غسل کے بعد منی خارج ہوئی تو کیا حکم ہے

            السلام علیکم ورحمتہ اللہ وبرکاتہ 

علمائے کرام کی بارگاہ میں ایک سوال ہے کہ زید نے اپنے عورت کے ساتھ ہمبستری کی اور فوراً جاکر غسل کرلیا زید بول رہا ہے کہ غسل کرنے کے بعد میرے مقام سے کچھ نکل رہا تھا یہ منی تھی یا مذی اسے نہیں پتہ کیا غسل پھر سے کرے جواب عنایت فرمائیں مہربانی ہوگی 

             سائل  محمد حیات قالین آبادی 

ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

           وعلیکم السلام ورحمتہ اللہ وبرکاتہ 

               الجواب بعون الملک الوھاب 

صورت مسئولہ میں ہمبستری کر نے کے بعد فوراً غسل کرلیا پھر اس کے بعد منی نکلی تو اسے دوبارہ غسل کرنا واجب ہے - قدیم فتاویٰ رضویہ جلد اول ص 118 میں ہے اذا انزل واغتسل قبل ان یبول ویمشی کثیرا ثم بال فخرج منی یعید الغسل انزل ہوا اور نہالیا اس کے بعد پھر منی نکلی دوبارہ نہانا واجب ہو گا اگر چہ اس بار بے شہوت نکلی ہو مگر یہ کہ پیشاب کرچکا یا سو لیا یا زیادہ چل لیا اس کے بعد منی بے شہوت نکلی تو غسل اعادہ نہیں - 

                       واللہ تعالیٰ اعلم بالصواب 

کتبہ عبد السّتار رضوی ارشدالعلو عالم بازار کلکتہ ٢،رجب المرجب ١٤٤١ھ بمطابق 26 فروری 2020عیسوی