تصویر کھیچنا یا کھیچوانا کیسا ہے

               السلام علیکم ورحمت اللہ وبرکاتہ

 کیا فرماتے ہیں علماٸے کرام و مفتیان کرام اس مسٸلہ کے بارے میں کہ موباٸل سے تصویر کھیچتے ہیں تو اس طرح تصویر کھیچنا کیسا ہے حوالہ کے ساتھ جواب عنایت فرماٸیں عین نوازش ہوگی

          الســــاٸل محمد بلال رضا رضوی الھند 

ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

             وعلیکم السلام ورحمتہ اللہ وبرکاتہ

            الـجـــوابـــــــ بــعــون الملکـــــ الوھاب

جاندار کی تصویر بلا عذر شرعی کھینچنا کھنچوانا حرام جب جاندار کی تصویر کھینچنا اور کھنچوانا ناجائز وحرام تو اب چاہے گھر میں جاندار کی تصویر کھینچ کر رکھے یا پھر موبائل کے پروفائل میں وہ بھی ناجائز و حرام بخاری شریف کی حدیث ہے کہ: حضرت ابن عباس رضی اللہ تعالیٰ عنہما نے فرمایا کہ میں نے رسول کریم صلی اللہ تعالیٰ علیہ وسلم کو فرماتے ہوئے سنا کہ جو شخص (جاندار کی) تصویر بنائےگا تو خدائے تعالیٰ بالیقین اسے عذاب دےگا یہاں تک کہ وہ اپنی بنائی ہوئی تصویر میں جان ڈال دے ـ اور یہ حقیقت ہے کہ وہ اس میں کبھی جان نہیں ڈال سکےگا ( اس لئے عذاب کا مستحق ہونا یقینی ہے( حوالہ: بخاری شریف ماخوذ از بحوالہ انوارالحدیث صفحہ 438/) اور فقیہ ملت علامہ جلال الدین امجدی صاحب تحریر فرماتے ہیں کہ انسان کا فوٹو کھینچنا اور کھیچنوانا دونوں حرام اور ناجائز ہے رسول خدا صلی اللہ تعالیٰ علیہ وسلم نے اس بات کی ہر گز اجازت نہیں دی ہے اس طرح کے فوٹو کھینچنے اور کھیچوانے والے دونوں سخت گنہگار مستحق عذاب نار ہیں(ماخوذ از فتاوٰی فیض الرسول جلد دوم صفحہ نمبر 552)

               واللہ تعالیٰ اعلم باالــــــصـــــواب

     کتبـــــــــــــــــــــــــہ ناچیز محمد شفیق رضا رضوی

                اســـلامی مـــعلــومـات گـــــروپ