السلام علیکم ورحمتہ اللہ وبرکاتہ
کیا فرماتے ہیں علماء کرام ومفتیان عظام اس مسئلہ کے بارے میں کہ کیا گھر میں گوبر لیپنا کیسا ہے جیسا کہ گوبر نجاست غلیظہ ہے اور اگر اسے گھر سے لیپ دیا تو کیا اس گھر میں ہم تلاوت قرآن پاک کر سکتے ہیں یا نہیں جواب عطا فرمائیں عین نوازش ہوگی فقط والسلام
محمد عطا وارث رضوی
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
وَعَلَيْكُم السَّلَام وَرَحْمَةُ اَللهِ وَبَرَكاتُهُ
الجواب بعون الملک الوھاب
جو زمین گوبر سے لیپی گئی اگرچہ سُوکھ گئی ہو اس پر نماز جائز نہیں ، ہاں اگر وہ سُوکھ گئی اور اس پر کوئی موٹا کپڑا بچھالیا، تو اس کپڑے پر نماز پڑھ سکتے ہیں اگرچہ کپڑے میں تری ہو مگر اتنی تری نہ ہو کہ زمین بھیگ کر اس کو تر کردے کہ اس صورت میں یہ کپڑا نجس ہو جائے گا اور نما ز نہ ہوگی بہارشریعت حصہ دوم صفحہ نمبر 406
واللہ تعالیٰ اعلم بالصواب
کتبہ محمدافسررضاسعدی عفی عنہ