السلام علیکم ورحمتہ اللہ وبرکاتہ
کیا فرماتے ہیں علمائے کرام ومفتیان عظام اس مسئلہ کے بارے میں کہ نمازے جنازہ پڑھنے میں پیر چپل کے اندر رکھنا کیسا ہے برائے مہربانی مکمل طور پر جواب عنایت فرمائیں عین نوازش ہوگی
سائل محمد فیضان رضا
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
وعلیکم السلام ورحمتہ اللہ وبرکاتہ
الجوابـــــ بعون الملکـــــ الوھاب
جوتا پہن کر نماز پڑھنے کے تعلق سے حضور صدرالشریعہ علیہ الرحمہ بہار شریعت میں فرماتے ہیں کہ بعض لوگ جوتا پہنے اور بہت لوگ جوتے پر کھڑے ہو کر نماز جنازہ پڑھتے ہیں، اگر جوتا پہنے پڑھی تو جوتا اور اس کے نیچے کی زمین دونوں کا پاک ہونا ضروری ہے،بقدر مانع نجاست ہوگی تو اس کی نماز نہ ہوگی اور جوتے پر کھڑے ہو کر پڑھی تو جوتے کا پاک ہونا ضروری ہےبہار شریعت حصہ 4 نماز جنازہ کا بیان صفحہ نمبر 80) اور اسی طرح کے جواب میں سیدی سرکار اعلیٰ حضرت تحریر فرماتے ہیں کہ احتیاط یہی ہے کہ جوتا اتار کر اس پر پاؤں رکھ کر نماز پڑھی جائے کہ زمین یا تلا اگر ناپاک ہو تو نماز میں خلل نہ آئے(فتاوی رضویہ شریف جلد 9صفحہ نمبر 188)لہذا جوتا یا چپل پر کھڑے ہو کر نماز جنازہ پڑھنے سے احتیاط ضروری ہے
واللّٰہ ورسولہ اعلم باالصواب
کتبہ ناچیز محمد شفیق رضا رضوی خطیب و امام سنّی مسجد حضرت منصور شاہ رحمت اللہ علیہ بس اسٹاپ کشن پور الھند