السلام علیکم و رحمۃ اللہ وبرکاتہ
علماۓ کرام ومفتیان عظام کے بارگاہ میں ایک سوال ہے کہ تراویح میں قرآن مجید مکمل ہونے پر سورہ اخلاص کتنی مرتبہ پڑھتے ہیں ایک مرتبہ یا تین مرتبہ جواب عنایت فرمائیں عین نوازش ہوگی
سائل محمد عقیل رضا بہرایچ شریف یوپی الہند
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
وعلیکم السلام علیکم و رحمتہ اللہ و برکاتہ
الجواب بعون الملک الوہاب
جب قرآن ختم کرے تو تین بار سورۂاخلاص پڑھنا بہتر ہے جیساکہ حضور صدرالشریعہ بدرالطریقہ علیہ الرحمہ تحریر فرماتے ہیں کہجب ختم ہو تو تین(بار قل ھواللہ احد) پڑھنا بہتر ہے اگرچہ تراویح میں ہو، البتہ فرض نماز میں ختم کرے تو ایک بار سے زیادہ نہ پڑھے(غنیہ)صورت مستفسرہ میں تراویح میں قرآن مجید مکمل ہونے پر تین مرتبہ سورہ اخلاص پڑھنا بہتر ہے حوالہ بہار شریعت حصہ سوم صفحہ (۵۵۱)
فقط=محمد نعیم خان القادری خطیب و امام جامع مسجد نیسری کولھا پور مہاراشٹر