کیا کسی شخص کو علیہ السلام بول سکتے ہیں

                    السلام علیکم ورحمتہ اللہ وبرکاتہ 

سوال نبیوں کے علاوہ کسی شخص کو alayhissalam بولنا کیسا ہے جواب عنایت فرمائیں شکریہ کا موقع دیں۔ 

          سائل حبیب الرحمن سنت کبیر نگر یو پی

ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

               وعلیکم السلام ورحمتہ اللہ وبرکاتہ 

     الجواب بعون الملک الوہاب الھم ھدایت الحق والصواب 

حضرتِ صدرُ الشَّریعہ، بدرُ الطَّریقہ علّامہ مولیٰنامفتی محمد امجد علی اعظمی عَلَیْہِ رَحْمَۃُ اللہِ القَوِی کی خدمت میں سُوال ہوا یاحُسین عَلَیْہِ السَّلَام کہنا جائز ہے یا نہیں اور ایسا لکھنا بھی کیسا ہے اور پکارنا کیسا ہے اس کے جواب میں آپ فرماتےہیں کہ سلام جونام کے ساتھ ذِکر کیا جاتا ہے یعنی یہ عَلَیْہِ السَّلَام کہنا لکھناسلا متَحِیَّت یعنی ملاقات کا سلام نہیں جوباہم ملاقات کے وَقت کہا جاتا ہے یا کسی ذَرِیعہ سے کہلایا

جاتا ہے بلکہ اس یعنی عَلَیْہِ السَّلَام سے مقصود صاحِبِ اِسم یعنی جس کانام ہے اُس کی تعظیم ہےعُرفِ اَہلِ اسلام نے اس سلام یعنی عَلَیْہِ السَّلَام لکھنے بولنےکو انبِیاء و ملائکہ کے ساتھ خاص کر دیا ہے مَثَلاً حضرتِ ابراھیم عَلَیْہِ السَّلَام حضرتِ موسیٰ عَلَیْہِ السَّلَام حضرتِ جبرئیل عَلَیْہِ السَّلَام حضرتِ میکائیل عَلَیْہِ السَّلَام ۔ لہٰذا غیرنبی و مَلَک نبی اور فرشتے کے علاوہ کے نام کے ساتھ عَلَیْہِ السَّلَام نہیں کہنا چاہئے بحوالہ فتاویٰ امجدیہ ج۴ ص ۲۴۳ ۲۴۵

                         واللہ اعلم بالصواب 

غیاث الدین قادری دارالعلوم شھیداعظم اعظم دولہاپور گونڈہ