جھنڈا ترشول لگاکر سید غازی پیاں کی طرف منسوب کرنا کیسا ہے

                السلام علیکم و رحمۃ اللہ وبرکاتہ 

کیا فرماتے ہیں مفتیان کرام مسلہ ذیل کے بارے میں =سید سالار مسعود غازی رحمتہ اللہ علیہ کا نیاز کچھ لوگ چوری پر جہاں ایک جھنڈا ِترشول َاس کے اوپر لیبو لگاتے ہیں اور اسی کے سامنے نیاز کراتے ہیں ایسے لوگوں کے بارے میں کیا حکم ہے کیا یہ کرانا صحیح ہے حوالے کے ساتھ جلد جواب عنایت فرماۓ

                  سائل سلمان برکاتی

ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

          وعلیکم السلام ورحمتہ اللہ وبرکاتہ 

الجواب بعون الملک الوھاب اللھم ھدایتہ الحق والصواب

یہ طریقہ بالکل غلط محض جہالت ہے سرکار غازی پاک رضی اللہ عنہ کے نام سے جو چبوترے پر فاتحہ دلایا جاتا ہے اور آپ کے نام کا علم، جسے نشان کہا جاتا ہے اس کی کوئی حقیقت نہیں ہے، سرکار اعلی حضرت رضی اللہ تعالی عنہ نے اسے جاہلانہ رسم فرمایا ہے چنانچہ آپ فرماتے ہیں کہ غازی میاں کا بیاہ کوئی چیز نہیں ہے محض جاہلانہ رسم ہےنہ ان کے نشان کی کوئی اصل ہے،، فتاوی رضویہ شریف قدیم جلد نہم نصف اول صفحہ ۱۸۹ لھـــذا جولوگ ایسی جگہ فاتحہ دلاتے ہیں یا علم نشان رکھتے ہیں یہ ان کی جہالت فاحشہ ہے وہ غلطی پر ہے انہیں منع کیا جائے،

                  واللہ تعالی ورسولہ اعلم 

کتبہ حقیر عجمی محمد علی قادری واحدی ۱۷ رمضان المبارک ۱۴۴۱ ھجری