گھر میں بلّی پالنا کیسا ہے؟؟؟

                  السلام علیکم ورحمتہ اللہ وبرکاتہ 

کیا فرماتے ہیں علمائےکرام و مفتیان کرام اس مسلے کے بارے میں کہ بلی پالنا گھر میں عندالشرع کیسا ہے ؟

              سائل ۔ محمد معراج ربانی کٹیہار بہار

                الجوابـــــ بعون الملکـــــ الوھاب 

بلى پالنا جائز ہے بشرطیکہ اس کے کھانے پینے کا مکمل خیال کیا جائے اور اسے کسی بھی طرح سے ایذا نہ دی جائے اور نہ ہی ہمیشہ قید میں رکھے اور نا ہی اسے مارا جائے اگر ان سب باتوں کا خیال کیا جائے تو بلا شبہ پالنا جائز ہے جیساکہ صحابیِ رسول حضرتِ سَیِّدُنا ابو ہریرہ رَضِیَ اللّٰہُ تَعَالٰی عَنْہُ نے چھوٹی سی بلی پالی ہوئی تھی جسے وہ اپنے قمیص کی آستین میں اپنے ساتھ رکھتے تھے اسی لیے اُن کا نام ”ابو ہریرہ “یعنی بلی والے پڑ گیا ان کا اصل نام عَبْدُالرَّحْمٰن ہے اور ابوہریرہ ان کی کنیت ہے تو ان کے بلی پالنے سے بھی پتا چلا کہ بلی پالنا جائز ہے ۔(اسدالغابة، حرف الھاء، ابو ھریرة، ۶ / ۳۳۷، رقم : ۶۳۱۹دار احیاء التراث العربی بیروت/موبائل-فون ایپ دعوت اسلامی)