السلام علیکم ورحمتہ اللہ وبرکاتہ
سوال :حضور صلی اللہ علیہ وسلم نے معراج کی رات کتنی سواریوں پر کتنی سواریوں پر سفر فرمایا ؟اور نبی معظم صلی اللہ تعالی علیہ وسلم نے کتنی جگہوں پر قیام فرمایا تھا ؟اور حضور نے کس جگہ قلم قدرت کی آواز سنی ۔۔حضرت آپ سے جتنا جلدی ہو سکے جواب عنایت فرمائیں مہربانی ہوگی
(سائل :محمد مدثر رضا
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
وعلیکم السلام ورحمةاللہ وبرکاتہ
الجوابـــــ بعون الملکـــــ الوھاب
شب معراج رسول معظم صلی اللہ علیہ وسلم نےپانچ قسم کی سواریوں پر سفر فرمایا١:-مکہ سے بیت المقدس تک براق پر٢:-بیت المقدس سے آسمان اول تک نور کی سیڑھیوں پر٣:-آسمان اول سے ساتویں آسمان تک فرشتوں کے بازووں پر۴:-ساتویں آسمان سے سدرةالمنتہی تک حضرت جبرئیل کے بازووں پر۵:-سدرةالمنتہی سے مقام قاب قوسین تک رفرف پر اس مقدس سفر میں سید عالم صلی اللہ علیہ وسلم نے بیت المقدس سے نکلنے کے بعد دس جگہوں پر قیام فرمایا ساتوں آسمانوں پر،سدرةالمنتہی پر،مقام مستوی پر،اور عرش اعظم پرشب اسری کے دولہا مصطفی جان رحمت صلی اللہ علیہ وسلم نے مقام مستوی میں قلم قدرت کے چلنے کی آوازیں سنیں(ماخوذ از سیرةالمصطفی ص ۴٨۴،۴٨۵بحوالہ تفسیر روح المعانی ج١۵ ص١٠)
واللّٰہ ورسولہ اعلم بـاالـــــــصـــــــــواب
کتبہ محمد مزمل حسین نوری مصباحی کشنگنج بہار