السلام علیکم ورحمتہ اللہ وبرکاتہ 

کیا فرماتے ہیں علمائے کرام ومفتیان عظام اس مسئلہ کے بارے میں کہ کیا بغیر گواہ کے نکاح ہو جائے گا جواب عنایت کریں کسی نے سوال کیا ہے برائے مہربانی

                 سائل محمد نوشاد رضوی

             الجـــــــواب بعون الملکـــــ الوھاب 

نکاح کے صحیح ہونے کے لئے دو مسلمان گواہوں کا ہونا ضروری ہے ،اس لئے اگر کسی عورت نے بغیر گواہ کے کورٹ میں ہو یا دنیا کے کسی کونے میں شادی کرلی تو یہ نکاح فاسد ہوگا حضور صلی اللہ علیہ وسلم نے فر مایا:بدکار ہیں وہ عورتیں جو بغیر گواہ کے اپنی شادی کرے۔ترمذی شریف حدیث 1103 )( بہار شریعت جلد 2 حصہ 7 نکاح کا بیان )