11.26.2020

کیا کام لگوانے پر کچھ رقم خود لے سکتے ہیں

 السلام علیکم ورحمتہ اللہ وبرکاتہ

کیا فرماتے ہیں علمائے دین و مفتیان شرع متین کہ ایک شخص ہے جو لوگوں کا کام لگواتا ہے آفس کا کام ہے جس کی تنخواہ ہے تیس ہزار تو جو کام لگواتا ہے اس میں سے وہ دس پرسنٹ لیتا ہے تیس ہزار میں تو پوچھنا یہ ہے کہ اس کا دس پرسنٹ لینا کیسا ہے؟ رہنمائی فرمائیں عین نوازش ہوگی

سائل سلیم رضا حیدرآباد

ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

وَعَلَيْكُم السَّلَام وَرَحْمَةُ اَللهِ وَبَرْکَتَہُ

الجواب الھم ہدایت الحق والصواب

اسکا دس پرسنٹ لینا یہ رشوت ہے جو کہ شریعت میں رشوت لینا یا دینا دونوں حرام ہے وہ شخص اگر کسی کا کام لگواتا ہے اور دس ہزار ہر ماہ کا خود ہڑپ کر لیتا ہے تو اس شخص کا ان پیسوں کا لینا حرام ہے جیسا کہ حدیث شریف میں ہے کہ حضور سیّد عالم صلی اللہ علیہ وسلم نے ارشاد فرمایا کہ عَنْ عَبْدِ اللَّهِ بْنِ عَمْرٍو قَالَ لَعَنَ رَسُولُ اللَّهِ صَلَّى اللَّهُ عَلَيْهِ وَسَلَّمَ الرَّاشِيَ وَالْمُرْتَشِيَ ترجمہ حضرت سیدنا عبداللہ بن عمرو رضی اللہ عنہماسےروایت ہےکہ رسول اللہ صلی اللہ علیہ والہ وسلم نے رشوت دینے والے اور لینے والے پر لعنت فرمائی ہے۔(ترمذی شریف جلد 3 صفحہ نمبر 66 حدیث:1342)اور سیدی سرکار اعلیٰحضــــــــرت امامِ اہل سنت الشاہ امام احمد رضا خان فاضل بریلوی رحمۃ اللہ علیہ فرماتے ہیں رشوت لینا مطلقا حرام ہے کسی حالت میں جائزنہیں جو پرایا حق دبانے کے لئے دیا جائے رشوت ہے یوہیں جو اپنا کام بنانے کے لئے حاکم کو دیا جائے رشوت ہے (فتاویٰ رضویہ جلد 23 صفحہ نمبر 597) اورمقام پر لکھتے ہیں بیع تو اس میں(اسٹیشن پرسودا بیچنے والے)اور خریداروں میں ہوگی یہ (اسٹیشن پر سودا بیچنے کا ٹھیکہ لینے والا) ریل والوں کو روپیہ صرف اس بات کا دیتاہے کہ میں ہی بیچوں دوسرا نہ بیچنے پائے یہ شرعا خالص رشوت ہے (فتاویٰ رضویہ جلد 19 صفحہ نمبر 559) نوٹ مذکورہ بالا حوالہ سے ظاہر ہے کہ اس شخص کو دس پرسنٹ لینا رشوت ہے اسکو اپنے فعل سے توبہ کرنی چاہئے اور دوبارہ سے ایسا نہ کرنے کا عہد کریں 


واللہ و رسولہ اعلم باالصواب


کتبـــــــــــــــــــــــــــہ العبـــد خاکســـار ناچیـــز محمـــد شفیـــق رضـــا رضـــوی خطیـــب و امـــام سنّـــی مسجـــد حضـــرت منصـــور شـــاہ رحمتـــ اللـــہ علیـــہ بـــس اسٹاپـــ کشـــن پـــور الھنـــد

ایک تبصرہ شائع کریں

براۓ مہربانی کمینٹ سیکشن میں بحث و مباحثہ نہ کریں، پوسٹ میں کچھ کمی نظر آۓ تو اہل علم حضرات مطلع کریں جزاک اللہ

فـہـرسـت گـــــروپ مـنـتـظـمـیـن

...
رابـطـہ کــــریـں

Whatsapp Button works on Mobile Device only