سوال
کیا فرماتے ہیں علمائے کرام و مفتیان عظام اس مسئلہ کے بارے میں کہ خرگوش پالنا کیسا ہے برائے مہربانی جواب عنایت فرمائیں عین نوازش ہوگی
المستفتی محمد نثار احمد نظامی مہراج گنج
جواب
پہلی بات تو آپ یہ ذہن نشیں کر لیجیئے کہ خرگوش کا گوشت کھانا حلال ہے جب گوشت کھانا حلال ہے تو اسکا پالنا بھی جائز ہے جیسا کہ صحیح بخاری شریف میں ہے کہ
حَدَّثَنَا أَبُو الْوَلِيدِ، حَدَّثَنَا شُعْبَةُ، عَنْ هِشَامِ بْنِ زَيْدٍ، عَنْ أَنَسٍ رَضِيَ اللَّهُ عَنْهُ، قَالَ: أَنْفَجْنَا أَرْنَبًا وَنَحْنُ بِمَرِّ الظَّهْرَانِ، فَسَعَى الْقَوْمُ فَلَغِبُوا، فَأَخَذْتُهَا، فَجِئْتُ بِهَا إِلَى أَبِي طَلْحَةَ، فَذَبَحَهَا، فَبَعَثَ بِوَرِكَيْهَا، أَوْ قَالَ: بِفَخِذَيْهَا إِلَى النَّبِيِّ صَلَّى اللَّهُ عَلَيْهِ وَسَلَّمَ، فَقَبِلَهَا
ترجمہ ہم سے ابوالولید نے بیان کیا، کہا ہم سے شعبہ نے بیان کیا، ان سے ہشام بن زید نے اور ان سے انس رضی اللہ تعالٰی عنہ نے بیان کیا کہ ہم نے ایک خرگوش کا پیچھا کیا۔ ہم مرالظہران میں تھے لوگ اس کے پیچھے دوڑے اور تھک گئے پھر میں نے اسے پکڑ لیا اور اسے ابوطلحہ رضی اللہ تعالٰی عنہ کے پاس لایا انہوں نے اسے ذبح کیا اور اس کے دونوں کو ل ہے یا (راوی نے بیان کیا کہ) اس کی دونوں رانیں نبی کریم صلی اللہ علیہ وسلم کے پاس بھیجیں اور نبی کریم ﷺ نے انہیں قبول فرمایا
صحیح بخاری کتاب: ذبیحوں اور شکار کا بیان باب: خرگوش کا بیان حدیث نمبر: 5535
نوٹ جب گوشت کھانا حلال ہے تو اسکا پالنا بیچنا خریدنا بھی درست ہے لہذا پالنے والے کو اسکا پورا خیال رکھنا ضروری ہے یعنی کہ اسکے رہنے کھانے پینے کا مکمّل طور پر خیال رکھا
جائے فقط والسلام
واللہ ورسولہ اعلم بالصواب
کتبہ العبـــد خاکســـار ناچیـــز محمـــد شفیـــق رضـــا رضـــوی
خطیـــب و امـــام سنّـــی مسجـــد حضـــرت منصـــور شـــاہ رحمتـــ اللـــہ علیـــہ بـــس اسٹاپـــ کشـــن پـــور الھنـــد
0 Comments:
براۓ مہربانی کمینٹ سیکشن میں بحث و مباحثہ نہ کریں، پوسٹ میں کچھ کمی نظر آۓ تو اہل علم حضرات مطلع کریں جزاک اللہ