نظر بد سے حفاظت کے لیے کیا کرنا چاہیئے

چنانچہ حدیث شریف میں ہے حضرت سیدنا ابن عباس سے مروی ہے کہ حضور انور صلی الله عليه و الہ وسلم حضرات امام حسن اور امام حسین رضی اللہ عنہما پر یہ کلمات پڑھ کر دم فرماتے تھے تھے، اور فرماتے اسی طرح حضرت ابراہیم علیہ السلام بھی اپنے دونوں صاحبزادوں حضرت اسماعیل اور حضرت اسحاق علیہما السلام پر ان کلمات کو پڑھ کر دم فرماتے تھے کہ أَعُوذُ بِكَلِمَاتِ اللهِ التَّامَّةِ مِنْ كُلِّ شَيْطَانٍ وَهَامَّةٍ ، وَمِنْ كُلِّ عَيْنٍ لاَمَّةٍ میں اللہ تعالی کے کامل کلمات کے ذریعہ ہر (وسوسہ اندازی کرنے والے) شیطان اور بلا سے اور ہر نظر بد سے پناہ مانگتا ہوں (بخاری، کتاب الانبیا باب یزفون النسلان فی المشی الرقم الحدیث 3391 ، دارالکتب العلمیۃ، بیروت و ابوداٶد کتاب السنة باب فی القرآن الرقم 4737 مطبوعہ بیروت ابن ماجہ کتاب الطب باب ماعوذ بہ النبی صلی اللہ علیہ و الہ وسلم ماعوذ بہ الرقم 3525 مطبوعہ بیروت) واللہ ورسولہ اعلم بالصواب