کسی انسان کو خدا کہنا کیسا

(مسئلہ) اس بارے میں علماء کیا فرماتے ہیں کہ (۱) کسی مخلوق کو خداوند بولنا کیسا آقا وبادشاہ کے معنی میں (۲) خدا خود بنا بولنا صحیح ہے یا غلط؟ اگر غلط ہے تو کیا حکم ہے؟

(جواب) جہاں یہ لفظ خدائے تعالی کے لیے خاص سمجھا جاتا ہے جیسے ہند وپاک وغیرہ وہاں اسے بمعنی دیگر مخلوق کے لیے استعمال کرنا جائز نہیں (٢) اللہ تعالی ازل سے ہے اس کی ابتداء نہیں یہ کہنا کہ خدا خود بنا غلط ہے اگرچہ قائل پر حکم کفر نہیں والله تعالی اعلم

کتبہ ندیم ابن علیم المصبور العینی ممبئی مہاراشٹر انڈیا

(مسئلہ) کیا کوئی شخص اپنے والدین کے انتقال کے بعد انکی قبروں کو بوسہ دے سکتا ہے؟

(جواب) والدین کی قبروں کو بوسہ دینا جائز ہے لعدم المنع وما لم یمنع لا یمنع لیکن جب لوگ موجود ہوں اور اندیشہ ہو کہ اگر قبر چومی جائے گی تو لوگ اسے کسی ولی اللہ کی قبر سمجھ لیں گے تو مناسب نہیں ہے اس کے والدین کو لوگ ان کی زندگی میں اولیاء اللہ جانتے تھے تو مناسب ہے کہ ادباً قبر نہ چومی جائے اور چومنا بھی بے ادبی نہیں ہے والله تعالی اعلم

کتبہ ندیم ابن علیم المصبور العینی ممبئی مہاراشٹر انڈیا