حیض میں وفات پر غسل کا حکم؟

حالتِ حیض میں عورت کا انتقال ہوجائے تو غسل قبر اور حشر کے احکام

السلام علیکم ورحمتہ اللہ وبرکتہ 

شرعی مسئلہ کیا فرماتے علماء اکرام و مفتیان عظام اس مسئلہ کے بارے میں کہ حالت حیض میں عورت انتقال کر گئ تو اس کے غسل کا کیا حکم ہے اور اس کے ساتھ قبروحشرکے کیا معاملات رہیں گےجواب عنایت فرمائیں نوازش ھوگی

سائل کا نام نورالھدى شہر/مقام انڈیا رابطہ نمبر 8449938187

وعلیکم السلام ورحمتہ اللہ وبرکتہ 

الجواب بعون الملک الوہاب

صورتِ مسئولہ میں اگر کسی مسلمان عورت کا حالتِ حیض میں انتقال ہوجائے تو اسے دوسری مسلمان میتوں کی طرح غسل دیا جائے گا کفن پہنایا جائے گا نمازِ جنازہ پڑھی جائے گی اور تدفین کی جائے گی حالتِ حیض میں وفات ہوجانے کی وجہ سے غسل ساقط نہیں ہوتا اور نہ ہی میت کو غسل دینے کے لیے حیض ختم ہونے کا انتظار کیا جائے گا

میت کو غسل دیتے وقت عام میت کے غسل کا طریقہ اختیار کیا جائے گا۔ پہلے نجاست وغیرہ دور کی جائے پھر وضو کرایا جائے اور اس کے بعد پورے بدن کو اچھی طرح غسل دیا جائے عورت کے بالوں کو بھی دھویا جائے گا

رہی یہ بات کہ حالتِ حیض میں وفات پانے والی عورت کے ساتھ قبر اور حشر میں کیا معاملہ ہوگا؟ تو اس سلسلے میں یہ بات واضح رہے کہ حیض عورت کے اختیار کی چیز نہیں بلکہ اللہ تعالیٰ کی طرف سے عورتوں کے لیے ایک طبعی حالت ہے۔ لہٰذا محض حالتِ حیض میں وفات ہوجانے کی وجہ سے عورت گناہ گار یا قابلِ مواخذہ نہیں ہوتی

قبر میں بھی اس کے ساتھ عام مسلمان میت ہی کے احکام ہوں گے اس کے لیے حیض کی وجہ سے کوئی الگ عذاب یا خصوصی معاملہ مقرر نہیں اسی طرح قیامت کے دن بھی اس کے حشر و حساب کا معاملہ اس کے ایمان اور اعمال کے اعتبار سے ہوگا نہ کہ اس بات کی وجہ سے کہ اس کا انتقال حالتِ حیض میں ہوا تھا

لہٰذا اگر کسی مسلمان عورت کا حالتِ حیض میں انتقال ہوجائے تو اسے معمول کے مطابق غسل کفن نمازِ جنازہ اور تدفین کی جائے گی اور حالتِ حیض میں وفات پانے کو بدشگونی یا عذاب کی علامت سمجھنا درست نہیں

واللہ تعالیٰ اعلم بالصواب

کتبہ العبد خاکسار ناچیز محمد شفیق رضا رضوی خطیب و امام سنّی مسجد حضرت منصور شاہ رحمت اللہ علیہ بس اسٹاپ کشنپور فتحپور الھند

✔️✔️✔️ الجواب صحیح والمجیب النجیح خلیفہ حضور تاج الشریعہ و نواسہ امام علم فن مفتی خواجہ صبر نواز قادری رضوی بانی دارالعلوم فیضان امام علم فن للبنات بہار الھند

✔️✔️✔️ الجواب الصحیح والمجیب النجیح مولانا شاہد قادری رضوی منظری صاحب قبلہ اتر دیناجپور بنگال