حضرت الیاس و حضرت خضر علیہ السلام ولی ہیں یا نبی ؟

سوال: کیا فرماتے ہیں علمائے دین و مفتیانِ شرع متین اس مسئلہ کے بارے میں کہ حضرت سیدنا الیاس علیہ السلام اور حضرت سیدنا خضر علیہ السلام نبی ہیں یا ولی؟

المستفی حافظ محمد ساجد انصاری 

الجواب بعون الملک الوہاب

حضرت سیدنا الیاس علیہ الصلوٰۃ والسلام کے نبی ہونے پر قرآنِ عظیم میں صریح نص موجود ہے

>﴿وَإِنَّ إِلْيَاسَ لَمِنَ الْمُرْسَلِينَ﴾ (الصافات:123)

ترجمہ: اور بے شک الیاس یقیناً رسولوں میں سے ہیں

لہٰذا حضرت الیاس علیہ السلام کا ولی ہونا کہنا درست نہیں بلکہ وہ قطعاً نبی و رسول ہیں

اور حضرت سیدنا خضر علیہ السلام کے بارے میں جمہور مفسرین و محققین کا مذہب یہ ہے کہ وہ نبی تھے کیونکہ ان کے افعال (کشتی کا توڑنا لڑکے کو قتل کرنا وغیرہ) بغیر وحیِ الٰہی کے جائز نہ تھے ولی کو اس درجہ کا تصرف حاصل نہیں ہوتا۔ بعض علماء نے کہا کہ وہ ولی تھے، مگر صحیح و راجح قول یہی ہے کہ وہ نبی ہیں

خلاصہ

حضرت سیدنا الیاس علیہ السلام بالاتفاق نبی و رسول

حضرت سیدنا خضر علیہ السلام: جمہور کے نزدیک نبی بعض نے ولی کہا مگر قوی قول یہی ہے کہ وہ نبی ہیں

📚 مراجع: تفسیر ابن کثیر ج 3 ص 127 تفسیر قرطبی ج 10 ص 27 فتح الباری لابن حجر ج 6 ص 433 فتاویٰ رضویہ ج 29 ص 516

واللہ تعالیٰ اعلم بالصواب

کتبہ العبد خاکسار ناچیز محمد شفیق رضا رضوی خطیب و امام سنّی مسجد حضرت منصور شاہ رحمت اللہ علیہ بس اسٹاپ کشنپور فتحپور الھند