السؤال: ایک شخص کے ایک بیٹا اور ایک بیٹی ہے، اس کے پاس ایک مکان ہے۔ وہ شخص اپنی وفات سے پہلے صرف زبان سے یہ کہتا ہے کہ میرا یہ مکان میں نے اپنے ایک بیٹے کو دے دیا تو کیا اس مکان میں دوسرے وارثوں کا بھی حصہ ہوگا یا صرف اسی ایک بیٹے کا؟

اگر مذکورہ شخص نے اپنی زندگی میں صرف زبان سے یہ کہا کہ میں نے اپنا مکان فلاں بیٹے کو دے دیا لیکن مکان اس بیٹے کے قبضے میں نہیں دیا اور مکان بدستور والد ہی کے قبضہ اور تصرف میں رہا تو صرف زبان سے کہہ دینے سے مکان بیٹے کی ملکیت نہیں ہوگا

بلکہ والد کے انتقال کے بعد وہ مکان اس کا ترکہ شمار ہوگا اور اس کے تمام شرعی وارثوں میں شرعی حصوں کے مطابق تقسیم ہوگا لہٰذا دوسرے وارثوں کا حق صرف اس وجہ سے ختم نہیں ہوگا کہ والد نے زندگی میں زبانی طور پر ایک بیٹے کو مکان دینے کی بات کہہ دی تھی

البتہ اگر والد نے اپنی زندگی میں مکان اپنے بیٹے کو باقاعدہ ہبہ (گفٹ) کردیا اور اس کا قبضہ بھی بیٹے کو دے دیا، یعنی بیٹا اس مکان پر مکمل طور پر قابض اور متصرف ہوگیا تو ہبہ مکمل ہوگیا اور مکان اسی بیٹے کی ملکیت ہوگا۔ ایسی صورت میں والد کے انتقال کے بعد وہ مکان ترکہ میں شامل نہیں ہوگا

فتاویٰ ہندیہ میں ہے: وَتَتِمُّ الْهِبَةُ بِالْقَبْضِ یعنی ہبہ قبضہ دینے سے مکمل ہوتا ہے

لہٰذا سوال میں بیان کردہ صورت میں اگر صرف زبانی طور پر مکان ایک بیٹے کو دینے کا کہا تھا اور قبضہ نہیں دیا تھا تو مکان صرف اس ایک بیٹے کا نہیں ہوگا بلکہ والد کے انتقال کے بعد وہ ترکہ ہوگا اور شرعی وارثوں میں تقسیم ہوگا

اگر والد کے انتقال کے وقت صرف یہی ایک بیٹا اور ایک بیٹی وارث ہوں اور کوئی دوسرا شرعی وارث نہ ہو، تو ترکہ میں بیٹے کو دو حصے اور بیٹی کو ایک حصہ ملے گا