والدین کی اجازت کے بغیر نابالغہ کا نکاح کرنا کیسا ہے

       

                السلام علیکم ورحمتہ اللہ وبرکاتہ

بعد سلام کے علمائے کرام و مفتیان کرام کی بارگاہ میں عرض ہے کہ کیا کوئی غیر برادری کا مرد سید زادی سے نکاح کر سکتا ہے اگر سید زادی جسکی عمر گیارہ برس ہے اسکے چچا نے بے اطلاع باپ ا سکا نکاح زید پٹھان کے ساتھ کر دیا تو کیا یہ منعقد ہوا یا نہیں۔ براے مہربانی مدلل جواب عنایت فرما کر شکریہ کا موقع عنایت فرمائیں۔

      المستفتی ریاض القادری شاہجہانپور یو پی

ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

              وَعَلَيْكُم السَّلَام وَرَحْمَةُ اَللهِ وَبَرَكاتُهُ

              الجـــــــواب بعون الملکـــــ الوھاب

صورت مسؤلہ میں نکاح نہ ہوا کیونکہ چچا ولی نہیں ہے اور وہ بھی غیر کفو کے ساتھ نکاح کیا اس لئے نکاح نہ ہوا جیسا کہ فتاویٰ فقیہ ملت میں ہے کہ اگر چچا نے نکاح مزکور غیر کفو یا مہر مثل میں زیادہ کمی کے ساتھ کیا ہے تو نکاح نہ ہوا اور اگر کفو سے مہر مثل کے ساتھ کیا ہے تو ہوگیا لیکن بالغہ ہونے کے بعد فسخ کا اختیار ہوگا اگر چہ خلوت بلکہ وطی ہو چکی ہو یعنی اگر نکاح ہونا پہلے سے معلوم ہے تو بالغ ہوتے ہی فوراً اور اگر معلوم نہ تھا تو جس وقت معلوم ہوا اسی وقت فوراً فسخ کر سکتی ہے اور اگر کچھ وقفہ ہوا تو اختیار فسخ جاتا رہا یہ ہرگز نہ ہوگا کہ آخری مجلس تک اختیار باقی رہے مگر فسخ نکاح کے لئے قاضی کا فیصلہ شرط ہے درالمختار مع ردالمحتار جلد 02 صفحہ نمبر 331/332 میں ہے کہ ان کان المزوج غیرلھا ای غیر الاب وابیہ لا یصع النکاح من غیر کفء اوبغبن فاحش اصلا وان کان من کفء وبھر المئل ولکن لھما ای لصغیر و صغیرۃ ومحلق بھما خیار الفسخ ولو بعدالدخول بالبلوغ او العلم باالنکاح بعدہ بشرط القاضاء للفسخ مخلصاً (بحوالہ فتاویٰ فقیہ ملت جلد 01 صفحہ نمبر 407)

               واللّٰہ ورسولہ اعلم بـاالـــــــصـــــــــواب

کتبہ محمد شفیق رضا رضوی خطیب و امام سنّی مسجد حضرت منصور شاہ رحمت اللہ علیہ بس اسٹاپ کشن پور الھند