سوال کیا مردوں کے لئے لال کپڑا پہننا درست ہے کہ نہیں حوالے کے ساتھ جواب عنایت فرمائے مہربابی ہوگی) 

سائل محمد معین کرناٹک

الجواب امام اہل سنت فرماتے ہیں

کسم کا رنگا ہُوا سرخ اور کیسر کا زرد جنہیں معصفر ومزعفر کہتے ہیں مرد کو پہننا ناجائز وممنوع ہے اور ان سے نماز مکروہ تحریمی.... اور خالص سرخ غیر معصفر (یعنی بغیر کسم سے رنگے ہوئے سرخ کپڑے کے بارے میں) اضطراب اقوال ہے اور صحیح ومعتمد جواز (یعنی فتوی اس پر ہے کہ ایسے رنگ کا کپڑا پہنا جائز ہے یعنی سرخ رنگ کا لیکن کسم سے نہ رنگا ہوا) بلکہ علامہ حسن شرنبلالی نے فرمایا: اس کا پہننا مستحب. (کیونکہ سرکار ﷺ سے ثابت ہے) (فتاوی رضویہ، ١٩٧/٢٢)

کتبہ ندیم المصبور العینی گونڈی ممبئی