Headlines
Loading...
السلام علیکم و رحمۃ اللہ و برکاتہ

           📜ســـــــــــــوال
کیا فرماتے ہیں علماء کرام ومفتیان عظام اس مسئلہ کے بارے میں کہ اذان کا جواب دینا کیسا ہے ؟ مع حوالہ جواب عنایت فرمائیں

         سائل. غلام معین الدین

   وعلیکم السلام ورحمةالله وبرکاته

📚الجـــــوابــــــــــــــــــ' بعون الملک الوہاب اللہم ھدایت الحق والصواب

صورت مسئولہ میں اذان کا جواب زبان سے دینا سنت اور قدم سے چل کر مسجد و جماعت کی جگہ حاضر ہونا ہر مکلف جماعت غیر معذور کو واجب ہےجیسا کہ رد المحتار میں ہے کہ " ان الإجابة باللسان مستحبة و ان الإجابة بالقدم واجبة " اھ (📘 رد المحتار ج 2 ص 69 : کتاب الصلاۃ ، باب الاذان ، دار الکتب العلمیہ بیروت / البحر الرائق : باب الاذان / فتح القدیر : باب الاذان بحوالہ انوار نماز ص 97 )لہذا جب کوئی اذان سنے تو اس کے لئے مستحب ہے کہ وہ اذان کا جواب اسی طرح دے جیسا مؤذن کہتا ہے
حدیث شریف میں ہے کہ " حضرت ابوسعید خدری رضی اللہ عنہ سے روایت ہے کہ حضور نبی اکرم صلی اللہ علیہ وآلہ وسلم نے فرمایا : 📖إِذَا سَمِعْتُمُ النِّدَاءَ، فَقُوْلُوْا مِثْلَ مَا يَقُوْلُ الْمُؤَذِّنُ " اھ 📚( الصحيح البخاری ج 1 ص 221 رقم 586 : کتاب الاذان باب ما يقول اذا سمع المنادی )
        
     والله تعالی اعلم بالصواب

              ✍كتبـــــــــــــہ،
 حـضـرت عـلامـہ و مـولانـا مـحـمـد کریم اللہ رضوی صـاحـب قـبلـہ

 بتاریخ؛/ 15/اکتوبر 2019؛عیسوی

    اســـــلامی مـــعــلـومات گــروپ 

0 Comments:

براۓ مہربانی کمینٹ سیکشن میں بحث و مباحثہ نہ کریں، پوسٹ میں کچھ کمی نظر آۓ تو اہل علم حضرات مطلع کریں جزاک اللہ