السلام علیکم و رحمۃ اللہ و برکاتہ
📜ســـــــــــــوال👇
کیا فرماتے ہیں علماء کرام ومفتیان عظام اس مسئلہ کے بارے میں کہ میت کے پیٹ میں ڈھیلے رکھنا کیسا ہے زید کا ماننا ہے کہ رکھنا درست نہیں ہے اور بکر کا کہنا ہے کہ رکھنا درست ہے تو برائے مہربانی تفصیل کے ساتھ جواب عنایت فرمائیں عین نوازش ہوگی فقط والسلام
سائل. محمد وارث احمد پنجاب
وعلیکم السلام ورحمةالله وبرکاته
📚الجـــــوابــــــــــــــــــ' 👇
: میت کے پیٹ پر ڈھیلا یا لوہا یا گیلی مٹی یا کوئی بھاری چیز رکھنا جائز ہے تاکہ پیٹ نہ پھولے مگر اتنی وزنی نہ ہو جو باعث تکلیف ہو جیسا کہ در مختار مع رد المحتار میں ہے کہ " و يوضع على بطنه سيف او
📖حديد لئلا ينتفخ " اھ فی رد المحتار تحته لان الحديد يدفع النفخ لسر فيه وان لم يوجد فيوضع شئی ثقیل " اھ ( در مختار مع رد المحتار ج 3 ص 83 : کتاب الصلوۃ ، باب صلاة الجنازة ، دار الکتب العلمیہ بیروت )
اور فتاوی عالمگیری میں ہے کہ " يجعل على بطنه حديدة او طين رطب لئلا ينتفخ " اھ یعنی میت کے پیٹ پر لوہا یا تر مٹی رکھ دیں تاکہ نہ پھولے
📖" اھ ( فتاوی عالمگیری ج 1 ص 173 : کتاب الصلوۃ ، الباب الحادی و العشروں فی الجنائز ، دار الکتب العلمیہ بیروت )
اور بہار شریعت میں ہے کہ " اس کے پیٹ پر لوہا یا گیلی مٹی یا اور کوئی بھاری چیز رکھ دیں کہ پیٹ پھول نہ جائے ۔ مگر ضرورت سے زیادہ وزنی نہ ہو کہ باعثِ تکلیف ہے
اھ📕( بہار شریعت ج 1 ص 809 : موت آنے کا بیان )
والله تعالی اعلم بالصواب
✍كتبـــــــــــــہ،
حـضـرت عـلامـہ و مـولانـا مـحـمـد کریم اللہ رضوی صـاحـب قـبلـہ
بتاریخ؛/ 26/اکتوبر 2019؛عیسوی
اســـــلامی مـــعــلـومات گــروپ