حسب ضرورت مسجد میں سی. سی. ٹی.وی. کیمرہ نصب کرنا کیسا؟

السلام و علیکم ورحمتہ اللہ و برکاتہ

کیا فرماتے ہیں علمائے کرام ومفتیان عظام مسئلہ ذیل کے بارے میں کہ مسجد میں حسب ضرورت سی۔سی۔ٹی وی کیمرا لگانا جائز ہے یا نہیں ؟ نیز جس مسجد میں سی۔سی۔ٹی وی کیمرا لگا ہو اس مسجد میں نماز پڑھنے سے نماز ہو جائے گی یا نہیں؟

قرآن و حدیث کی روشنی میں جواب عنایت فرما کر عند اللہ ماجور ہوں

المستفتی : محمد ابرار قادری سارے پالیا بنگلور کرناٹک انڈیا؛

  وعلیکم السلام و رحمة اللہ و برکاتہ

 🖊جواب؛_ اسلام میں تصویر کشی حرام و ناجائز اور لعنت کا کام ہے احادیث میں اس پر سخت وعیدیں وارد ہوئی ہیں ۔ لیکن جہاں چوری ڈکیتی ، خیانت ، جان و مال کے تلف و ضیاع ہونے کا شدید خطرہ ہوں تو وہاں حفاظتی نقطہ نظر سے CCTV CAMERA) نصب کرنے کی دفع مضرت کے اصول کے پیش نظر اجازت ہے ۔

[📖 جیسا کہ الاشباہ و النظائر میں ہے کہ👇

      " اَلضَّرُوْرَاتُ تُبِیْحُ الْمَحْظُوْرَاتِ " اھ

(📚 الأشباہ والنظائر لإبن نجیم ص 307 / القواعد الفقہیہ ص 270 )

مذکورہ قاعدے کلیہ سے یہ ثابت ہوا کہ ضرورتاً مسجد میں سی سی کیمرہ لگانا جائز ہے تو اس میں نماز پڑھنا بھی جائز ہے

            واللہ اعلم باالصواب

✍کتبہ؛______________________

؛؛حضرت علامہ و مولانا مفتی کریم اللہ رضوی صاحب قبلہ 

مورخہ؛٢٤ محرم ١٤٤١ھ منگل 24/9/2019

اســـــلامی مـــعــلـومات گــروپ