شرابی اگر روزہ افطار کرائیں تو کیا حکم ہے؟

 السلام علیکم ورحمۃ اللہ وبرکاتہ

(١)زید مسلمان تو ہے لیکن شراب پیتا ہے نماز بھی نہیں پڑھتا ہے تو افطاری کے لیے سامان مسجد میں دیتا ہے تو کھانا کیسا ہے؟ مع حوالہ دیا جواب عنایت فرمائیں

(٢)عرض یہ ہے کہ اگر کوئی ہندو مرجاتا ہے تو اس کو دیکھنے جاسکتے ہیں اور اس کو دیکھنے کے بعد کیا پڑھنا چاہیے مع حوالہ جواب عنایت فرمائیں بڑی مہربانی ہوگی

المستفی محمد ساھل رضا بریلی شریف 

وعلیکم السلام ورحمتہ اللہ وبرکتہ 

الجواب بعون الملک الوہاب

(1) شرابی اور بےنمازی کی طرف سے افطاری کا سامان دینااگر زید مسلمان ہے اگرچہ شراب پیتا ہے اور نماز نہیں پڑھتا مگر اس کی کمائی حلال ہے تو اس کے دیے ہوئے افطاری کے سامان کا کھانا جائز ہےاس کے فسق کا اثر مال پر نہیں پڑتا وہ خود گنہگار ہے

حوالہ:فتاویٰ ہندیہ 5/343

(2) ہندو کے مرنے پر جانا اور کیا پڑھیں غیر مسلم کے مرنے پر تعزیت کے لیے جانا جائز ہے مگر ان کی مذہبی رسومات میں شرکت کرنا حرام ہے

لاش دیکھ کر صرف اناللہ واناالیہ راجعون پڑھنا یا فی نارجہنم خالدین فیھا پڑھیں

ان کے لیے مغفرت کی دعا جائز نہیں

حوالہ: فتاویٰ ہندیہ 1/166 ردالمحتار 2/718

خلاصہ کلام یہ ہے کہ شرابی اور بےنمازی کےیہاں سے کھانا فینفسہ کھاناجاٸز ہے لیکن نصیحت کی وجہ سے ترک بہتر

واللہ تعالیٰ اعلم بالصواب

کتبہ العبد خاکسار ناچیز محمد شفیق رضا رضوی خطیب و امام سنّی مسجد حضرت منصور شاہ رحمت اللہ علیہ بس اسٹاپ کشنپور فتحپور الھند

✅✅✅الجواب صحیح والمجیب النجیح فقط حضرت علامہ مولانا مفتی محمد صبر نواز صاحب قبلہ مدظلہ العالی النورانی