السلام علیکم ورحمتہ اللہ وبرکاتہ
کیا فرماتے ہیں علمائے کرام ومفتیان عظام اس مسئلہ کے بارے میں کہ زکوٰۃ ہے کیا اور زکوٰۃ کا لغوی معنی کیا ہے برائے مہربانی مکمل طور پر جواب عنایت فرمائیں عین نوازش
سائل محمد سمیر شیخ الھند
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
وعلیکم السلام ورحمۃ اللہ وبرکاتہ
الجواب بعون الملک الوہاب
زکوٰۃ کا لغوی معنی پاکیزگی, بڑھنا, برکت اور مدح ہے - ان میں سے ہر ایک معنی قرآن و حدیث میں استعمال ہوا ہے - نہایہ( ج:2/ص:307) اور اصطلاحی معنی یہ ہے کہ سال گزرنے کے بعد نصاب معین سے ایک حصہ غیر ہاشمی فقیر کو نیت زکوۃ سے دینا" اھ( شرح صحیح مسلم ج:2/ص:875) اللہ کے لئے مال ایک حصے کا جو شرع نے مقرر کیا ہے مسلمان فقیر کو مالک کردینا ہے اور وہ فقیر نہ ہاشمی ہو نہ ہاشمی کا آزاد کردہ غلام اور اپنا نفع بالکل جدا کرلے -( عمدۃ القاری ج:8/ص:223) بحوالہ خزائن التعریفات ص:181/ زک / والضحی پبلیکیشنز اور حضور صدر الشریعہ بدر الطریقہ علیہ الرحمۃ والرضوان بہار شریعت میں تحریر فرماتے ہیں کہ زکوٰۃ شریعت میں اللہ عز و جل کے لئے مال کے ایک حصے کا جو شرع نے مقرر کیا ہے مسلمان فقیر کو مالک کردینا ہے اور وہ فقیر نہ ہاشمی ہو نہ ہاشمی کا آزاد کردہ غلام اور اپنا نفع اس سے بالکل جدا کرلے " اھ (ح:5/ص:874/ زکوٰۃ کا بیان / مجلس المدینۃ العلمیۃ دعوت اسلامی) اور درمختار میں ہے کہ الزکوۃ ھی لغۃ الطھارۃ والنماءشرعا تملیک جزء مال عینہ الشارع من مسلم فقیر غیر ھاشمی ولا مولاہ مع قطع المنفعۃ عن الملک من کل وجہ اھ( ج:3/ص:170/171/172/173/ کتاب الزکوۃ / دار عالم الکتب ) اور فتاوی ھندیہ میں ہے کہ فھی تملیک مال من فقیر مسلم غیر ھاشمی ولا مولاہ بشرط قطع المنفعۃ عن المملک من کل وجہ للہ تعالیٰ ھذا فی الشرع کذا فی التبین اھ (ج:1/ص:180/ کتاب الزکوۃ / الباب الاول فی تفسیرھا و صفتھا و شرائطھا / بیروت)
واللہ تعالیٰ اعلم بالصواب
کتبہ اسرار احمد نوری بریلوی خادم التدریس والافتاء مدرسہ عربیہ اہل سنت فیض العلوم کالا ڈھونگی ضلع نینی تال اتراکھنڈ 25---اپریل ---2028---بروز ہفتہ