گانجا بھانگ پینے والے کے پیچھے نماز پڑھنا کیسا ہے

علماۓ کرام ومفتیان عظام کے بارگاہ میں ایک سوال ہے کہ جو شخص گانجا بھانگ پیتا ہو اسکے پیچھے نماز ادا کرنا کیسا ہے اور وہ امامت کرسکتا ہے یا نہیں جواب عنایت فرمائیں عین نوازش ہوگی

        سائل محمد عقیل رضا بہرایچ شریف یوپی الہند

                   الجواب بعون الملک الوھاب 

ایسا شخص فاسق معلن ہے اور اس کے پیچھے نماز پڑھنا مکروہ تحریمی واجب الاعادہ ہے جیسا کہ حضور صدر الشریعۃ بدرالطریقۃ حضرت علامہ امجد علی اعظمی علیہ الرحمۃ تحریر فرماتے ہیں کہ بد مذہب جس کی بدمذہبی حد کفر کو نہ پہنچی ہو اور فاسق معلن جیسے شرابی جواری زناکار سود خور چغل خور وغیرھم جو کبیرہ گناہ بالاعلان کرتے ہیں ان کو امام بنانا گناہ اور ان کے پیچھے نماز پڑھنا مکروہ تحریمی واجب الاعادہ ہے بہار شریعت جلد اول حصہ سوم صفحہ ٥٦٨

                    واللہ تعالیٰ ورسولہ اعلم بالصواب