السلام علیکم ورحمتہ اللہ وبرکاتہ 

کیا فرماتے ہیں علمائے کرام ومفتیان عظام اس مسئلہ کے بارے میں کہ لڑکا اور لڑکی نا بالغ ہو اور ہنسی مذاق میں نا بالغ گواہوں کی موجودگی میں ہی نکاح کرلے تو کیا ان کا موجود ہ گواہوں کی موجودگی میں نکاح درست یا نہیں برائے مہربانی مکمل طور پر جواب عنایت فرمائیں عین نوازش ہوگی

نابالغ لڑکوں اور لڑکیوں کا آپس میں گواہوں کی موجودگی میں منعقد نہ ہوگا خواہ وہ ہنسی مذاق میں ہو حقیقت میں ہو نابالغ لڑکوں اور لڑکیوں کا نکاح اس وقت منعقد ہوگا جب ان کا نکاح ان کے والدین نے کیا ہو جیسا کہ قدوری میں ہے یجوز نکاح الصغیر و الصغیرۃ اذا زوجھما الولی بکرا کانت الصغیرۃ او ثیبا چھوٹے لڑکے اور چھوٹی لڑکی کا نکاح جب ان کے والد نے کیا ہو تو جائز ہے چاہے باکرہ ہو یا ثیبہ(قدروی مترجم جلد اول صفحہ ٢١٤)