سوال
کیا فرماتے ہیں علمائے کرام مفتیان عظام اس مسئلہ ذیل کے بارے میں نصف النہار میں تلاوت کرنا کیسا ہے اوراسی وقت میں سجدہ سہو کرنا منع ہے کیا ؟
اس کے بارے میں وضاحت فرمایئے
المستفی ادریس احمد رضوی جموں کشمیر رامبن
جواب
١ نصف النہار جسکو ضحوہ کبریٰ کہتے ہیں اس میں بیس منٹ کا وقت رہتا ہے اسکے علاوہ وقت ِطلوع و غروب ان اوقات ثلثہ میں نہ سجدہ سہو جاٸز ہے نہ سجدہ تلاوت اور کوٸی نماز خواہ وہ فرض ہو یا واجب ہو یا نفل غیرہ!
تو صورت مسٶلہ میں اگر کسی شخص نے نماز شروع کی اور وقت زوال یعنی نصف النہار شروع ہونے والا ہے اور سجدہ واجب ہوگیا تو خدشہ ہےاس بات کا کہ سجدہ سہوکریگا تو وقت مکروہ میں داخل ہوجاۓ گا تو ایسی صورت میں التحیات پڑھکر جتنی جلدی ہوسکے سلام پھیر کرنماز پوری کردے سجدہ سہو کی حاجت نہیں
فتاویٰ ھندیہ
وَالْوُجُوبُ مُقَيَّدٌ بِمَا إذَا كَانَ الْوَقْتُ صَالِحًا حَتَّى إنَّ مَنْ عَلَيْهِ السَّهْوُ فِي صَلَاةِ الصُّبْحِ إذَا لَمْ يَسْجُدْ حَتَّى طَلَعَتْ الشَّمْسُ بَعْدَ السَّلَامِ الْأَوَّلِ سَقَطَ عَنْهُ السُّجُودُ
المجلدالاول ، کتاب الصلوة ، ص ١٣٨
{بیروت لبنان}
اور ان اوقات میں تلاوتِ قرآن بھی نہیں کرنا چاہیے البتہ دیگر اذکارجمیلہ مثلا تسبیحات و تحلیلات و اوراد و وظاٸف و درودشریف وغیرہ کرنا اچھی بات ہے
بہارشریعت میں ہے
ان اوقات میں تلاوت قرآن مجید بہتر نہیں، بہتر یہ ہے کہ ذکر و درود شریف میں مشغول رہے
حصہ ٣ ، ص ٤٥٥ ،
{مکتبہ مدینہ دھلی
واللہ ورسولہ اعلم بالصواب
کتبہ عبیداللہ حنفی بریلوی
مقام خادم التدریس مدرسہ دارارقم محمدیہ میر گنج بریلی شریف الھند
✍️ اس مسئلہ سے متعلق مزید سوال پوچھیں: