مردے کو قبر میں چت لٹانا کیسا ہے ؟؟؟

               السلام علیکم ورحمت اللہ وبرکاتہ

کیا فرماتے ہیں علماٸے کرام و مفتیان کرام اس مسٸلہ کے بارے میں کہ ہمارے محلہ میں اک مسئلہ ہو گیا ہیں کی میت کو قبر میں چت لٹانا اور صرف منہ کو قبلہ رخ کرنا یہ طریقہ بہتر ہیں، کروٹ لِٹا دینا ہی بہتر ہیں جواب عنایت فرمائیں بہت مہربانی ہوگی

       الســــاٸل.  ۔۔محـــمد صابر حسین الھند 

ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

             وعلیکم السلام ورحمتہ اللہ وبرکاتہ

                   الجواب بعون الملك الوھاب

جنازہ قبلہ کی جانب رکھنا مستحب ہے کہ مردہ قبلہ کی جانب سے قبر میں اتارا جائے۔قبر میں اترنے والے دو تین آدمی{ جو مناسب ہو کوئی تعداد خاص نہیں}قبر میں اتریں بہتر یہ ہے کہ قوی نیک وامین لوگ ہوں کہ کوئی بات نامناسب دیکھیں تو لوگوں پر ظاہر نہ کریں۔اور عورت کا جنازہ اتارنے والے محارم ہوں یہ نہ ہوں تو دیگر رشتہ دار والے یہ بھی نہ ہوں تو پرہیزگار لوگ پھربسم اللّٰہ وعلیٰ ملة رسول الله پڑھ کر میت کو داہنی کروٹ پر لٹائیں۔{عالمگیری جلد اول باب الجنائز الفصل السادس صفحہ۔166بہار شریعت حصہ چہارم صفحہ نمبر۔ 161}اور منہ قبلہ کو کردیں چٹ نہ لٹائیں کہ منع ہے جیساکہ حدیث شریف میں ہے عن على انه قال شهد رسول الله صلى الله عليه وسلم جنازة رجل فقال يا على استقبل به استقبالا وقولوا جميعاً باسم الله وعلى ملة رسول الله صلى الله عليه وسلم وضعوه لجنبه ولا تكبوه لوجهه ولا تلقوه لظهره ۔(بدائع الصنائع جلد دوم کتاب الصلوۃ باب سنن الدفن صفحہ نمبر63)حضرت علی رضی اللّٰہ نے فرمایا کہ نبی کریم صلی اللہ علیہ وسلم نے ایک آدمی کے جنازہ میں شرکت کی تو فرمایا اے علی مردہ کو قبلہ کی جانب متوجہ کرو اور سب لوگ بسم اللّٰہ وعلیٰ ملة رسول اللہ پڑھو اور اس کو کروٹ پر رکھو منہ کے بل اوندھہ نہ کرو اور نہ پیٹھ کے بل لٹاؤ۔لہذا میت کو داہنی کروٹ پر لٹایا جائے اور پیچھے سے مٹی وغیرہ لگادیں کہ زمین بہت نرم ہے تو حفاظت کے لئے حرج نہیں{فتاوی رضویہ جلد چہارم صفحہ نمبر 82}ماخوذ از بستر علالت سے قبر تک صفحہ نمبر 71/72مؤلف مولانا تاج محمد صاحب اترولوی۔

               واللہ تعالیٰ اعلم باالــــــصـــــواب 

       کتبـــــــــــــــــــــــــہ محمد الطاف حسین قادری 

                اســـلامی مـــعلــومـات گـــــروپ