سنت کی چاروں رکعت بعد فاتحہ سورۃ ملایا جاتا ہے اور فرض کے دو میں ہی کیوں؟؟؟

             السلام علیکم ورحمتہ اللہ وبرکاتہ

کیا فرماتے ہیں علمائے دین چار رکعات فرض میں بعد سورہ فاتحہ دو رکعت میں سورہ ملاتے ہیں،، اور دو رکعت میں سورۃ کیوں نہیں ملاتے ہیں،،اور چار رکعات سنت میں بعد سورہ فاتحہ چاروں رکعات میں سورہ ملاتے ہیں اس کی وجہ کیا ہے،،برائے کرم جواب عنایت فرمائیں

                 سائل محمد صدام حسین ـ 

ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

           وعلیکم السلام ورحمتہ اللہ وبرکاتہ

                الجواب بعون الملک الوہاب:

 مسلمانوں کو چاہئے کہ اللہ ورسول کی پیر وی کریں جیسا کہ ارشاد ربانی ہے یٰۤاَیُّہَا الَّذِیۡنَ اٰمَنُوۡۤا اَطِیۡعُوا اللّٰہَ وَ اَطِیۡعُوا الرَّسُوۡلَ اے ایمان والو! حکم مانو اللہ کا اور حکم مانو رسول کا (پارہ ۵/سورہ نساء ۵۹) اس لئے ہمیں چاہئے کہ ہم حضور علیہ السلام کے بتائے نقش قدم پر چلیں اور جس طرح حضور صلی اللہ علیہ وسلم نماز پڑھتے تھے اسی طرح ہم بھی پڑھیں فرمان نبوی ہے صلوا کما رأيتمونی أصلی ایسے نماز ادا کرو جیسے مجھے ادا کرتے ہوئے دیکھ رہے ہو. (بخاری،رقم : ۶۰۵) البتہ ظاہری وجہ یہ بیان کی جاتی ہے کہ فرض کی دورکعت اور وتر کی تینوں رکعتیں اور سنن ونوافل کی ہر رکعت میں سورت ملانا واجب ہے اس لئے سورت ملاتے ہیں اور آخری دورکعت میں سورت نہ ملانے کی وجہ یہ ہے کہ فرض کی آخری دورکعت میں قرأت واجب نہیں ہے یعنی صرف تین بار سبحان اللہ کہکر رکوع کرلی جائے جب بھی نماز ہوجائے گی اس لئے سورت نہیں پڑھتےیونہی کوئی سورت ملادے جب بھی نماز ہوجایے گی مگر امام کو ایسا نہیں کرنا چاہئے

                   . واللہ اعلم.بالصواب 

     کتبہ الفقیر تاج محمد حنفی قادری واحدی اترولوی 

                     ٦/رجب المرجب ۱۴۴۱ھ 

             اســـلامی مـــعلــومـات گـــــروپ