کیا نماز تراویح چار چار رکعت کرکے پڑھ سکتے ہیں؟؟؟

              اَلسَلامُ عَلَيْكُم وَرَحْمَةُ اَللهِ وَبَرَكاتُهُ‎

کیا فرماتے ہیں علماۓ کرام ومفتیان شرح متین ۔۔اس مسٸلے کے بارے میں تراویح کی نماز دو دو رکعت کے بجاے چار چار رکعت کرکے پڑھے ۔تو کیا ایسا کرنا درست ہے ؟حضور جواب عنایت فرمایں

                ساٸل محمد اجمل خان

ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

        وَعَلَيْكُم السَّلَام وَرَحْمَةُ اَللهِ وَبَرَكاتُهُ‎

            الجواب بعون الملک الوہاب 

تراویح میں بجائے دو رکعت کے چار رکعت پرسلام پھیر سکتا ہے نماز ہوجائے گی مگر کراہت کے ساتھ بشرطیکہ دوسری رکعت پرقعدہ کیاہوجیسا کہ حضور صدر الشریعہ رحمتہ اللہ تعالی علیہ فرماتے ہیںتراویح کی بیس رکعتیں دس سلام سے پڑھےیعنی ہر دو رکعت پر سلام پھیر ے جیسا کہ ہم لوگوں میں رائج ہےاور اگر کسی نے بیسوں پڑھ کر آخر میں سلام پھیرااورہر دو رکعت پر قعدہ کرتا رہا تو نماز ہوجائے گی مگرکراہت کے ساتھ اگر قعدہ نہ کیا تو(بیسوں رکعتیں)دوکے قائم مقام ہوں گی(الدرمختار کتاب الصلوة باب الوتروالنوافل مبحث صلاةالتراویح ج2 ص597)بہار شریعت حصہ چہارم صفحہ 689(مکتبة المدینہ دھلی )

               واللّٰہ ورسولہ اعلم باالصواب 

عبیداللہ بریلوی خادم التدریس مدرسہ دارارقم محمدیہ میرگنج بریلی شریف یوپی