السلام علیکم ورحمتہ اللہ وبرکاتہ
کیا فرماتے ہیں علمائے کرام ومفتیان عظام اس مسئلہ کے بارے میں کہ اگر کوئی شخص یہ کہے کہ مسلمان اور کافر یکساں ہیں اور کچھ افراد بھی انکا ساتھ دے رہے ہیں تو ان لوگوں کے لئے کیا حکم ہے براے مہربانی جواب عنایت فرمایں عین نوازش ہوگی
سائل محمد عطا وارث رضوی
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
وعلیکم السلام ورحمتہ اللہ وبرکاتہ
الجوابـــــ بعون الملکـــــ الوھاب
ایسے شخص کی یہ باتیں کُفرِیّات سے بھر پور ہیں وہ شخص اور جو معنیٰ سمجھنے کے باوُجُود تائید میں سر ہِلا رہے تھے وہ سب کافِرو مُرتَد ہو گئے ان پر تجدید ایمان اورشادی شدہ ہوں تو تجدید نکاح لازم ہےکیونکہ اللہ عَزَّوَجَلَّ کے یہاں سب انسان ہرگز برابر نہیں ۔ اللہ عَزَّوَجَلَّ پارہ 28 سُورۃُ الحَشْر کی آیت نمبر 20میں ارشاد فرماتا ہے :لَا یَسْتَوِیْۤ اَصْحٰبُ النَّارِ وَ اَصْحٰبُ الْجَنَّةِؕ-ترجَمۂ کنزالایمان : دوزخ والے اور جنّت والے برابر نہیں ۔اورپارہ 2 سُورَۃُ البَقَرَہ آیت نمبر221 میں ارشادِ ربانی ہے (وَ لَعَبْدٌ مُّؤْمِنٌ خَیْرٌ مِّنْ مُّشْرِكٍ وَّ لَوْ اَعْجَبَكُمْؕ-ترجَمۂ کنزالایمان : بے شک مسلمان غلام، مُشرِ ک سے اچّھا ہے اگرچِہ وہ تمہیں بھاتا ہو ۔
واللّٰہ ورسولہ اعلم باالصواب
کتبہ ناچیز محمد شفیق رضا رضوی خطیب و امام سنّی مسجد حضرت منصور شاہ رحمت اللہ علیہ بس اسٹاپ کشن پور الھند
ایک تبصرہ شائع کریں
براۓ مہربانی کمینٹ سیکشن میں بحث و مباحثہ نہ کریں، پوسٹ میں کچھ کمی نظر آۓ تو اہل علم حضرات مطلع کریں جزاک اللہ