کیا نماز تہجد کے لئے سونا شرط ہے؟؟؟

             السلام علیکم و رحمۃ اللہ وبرکاتہ

علمائے کرام کی بارگاہ میں میرا یہ سوال ہے کہ نماز تہجد کے لیئے سونا ضَروری ہے یا نہیںبرائے مہربانی رہنمائی فرمائیں عین نوازش ہوگی

                   سائل محمد غلام غوث

::::::::::::::::::::::::::::::::::::::::::::::::::::::::::

         و علیکم السلام ورحمتہ اللہ وبرکاتہ

              الجواب بعون ملک الوھاب 

نماز تہجد کے لئے سونا ضروری ہے جیسا کہ حدیث پاک میں ہے قال اذا استیقظ الرجل من الیل وایقظ امراتہ فصلیا رکعتین کتبا من الذاکرین اللہ کثیرا والذاکرات یعنی جو شخص رات میں بیدار ہو اور اپنے اہل و عیال کو جگائے پھر دو رکعت نماز تہجد پڑھے تو کثرت سے یاد کرنے والوں میں لکھے جائیں گے  سنن ابن ماجہ ٩٤ تہجد کی نماز کا وقت عشاء کی نماز پڑھنے کے بعد سوکر اٹھے اس وقت سے طلوع صبح صادق تک ہے  فتاوی فقیہ ملت جلد اول ص ٢٠٣ اور بہار شریعت میں حضور صدر الشریعہ بدر الطریقہ علامہ امجد علی اعظمی علیہ الرحمہ تحریر فرماتے ہیں کہ عشاء کےبعد رات میں سوکر اٹھیں اور نوافل پڑھیں سونے سے قبل جو کچھ پڑھیں وہ تہجد نہیں بہار شریعت حصہ چہارم ص ٦٧٧ تہجد کا بیان 

                واللہ تعالی اعلم باالصواب

 انیس الرحمن حنفی رضوی بہرائچ شریف یوپی الھند