ٹیچر ڈے منانا از روئے شرع کیســـاھے

                   

                 اَلسَلامُ عَلَيْكُم وَرَحْمَةُ اَللهِ وَبَرَكاتُهُ

کیا فرماتے ہیں علمائے کرام ومفتیان عظام اس مسئلہ کے بارے میں کہ ٹیچر ڈے منانا کیسا ہے مکمل جواب عنایت فرماۓ مہربانی ہوگی آپ کی فقط والسلام

        سائل محمد شاکر رضوی جہاں آباد یو پی الھند

صورت مسؤلہ میں جواب یہ ہے کہ یوم اساتذہ منانا جائز ہے خواہ وہ کسی بھی تاریخ میں ہو کہ اس میں اساتذہ کی تعظیم اور انکے شکر و احسان کی بجا آوری ہے اور اپنے استاد کی تعظیم جس طرح بھی کی جائے درست اور جائز ہے اعلیٰ حضرت الشاہ امام احمد رضا خان فاضلِ بریلوی علیہ الرحمہ تحریر فرماتے ہیں کہ استاد علم دین کا مرتبہ ماں باپ سے زیادہ ہے وہ مربی بدن ہیں یہ مربی روح جو نسبت روح کو بدن سے ہے وہی نسبت استاد سے ماں باپ کو ہے کما نص علیہ الملامتہ الشر مبلالی فی غنیتہ ذوی الاحکام و قل فیہ ذا ابو الروح لا ابو النطف (فتاویٰ رضویہ شریف جلد 09 نصف آخر صفحہ نمبر 141) لیکن نابالغ بچے اپنا روپیہ چندہ میں نہیں دے سکتے البتہ گھر والے جو چندہ دے اسے پہنچا سکتے ہیں جیسا کہ (درالمختار مع شامی جلد 05 صفحہ نمبر 687) پر ہے کہ لا تصح ھبتہ الصغیرۃ اھ (نوٹ) دور حاضر میں نائب قاضی ہندوستان کی سرپرستی میں جامعہ امجدیہ رضویہ گھوسی میں ہر سال 2 ذی القعدہ کو یوم اساتذہ منایا جاتا ہے جو ممتاز الفقہ سلطان المناظرین محدث کبیر مد ظلہ العالی و النورانی کی سرپرستی میں منایا جاتا ہے) بحوالہ فتاویٰ فقیہ ملت جلد 02 صفحہ نمبر 280/281)