7.02.2020

بلا عذر مسجد نہ جاکر گھر میں نماز پڑھنا کیسا ہے


                السلام علیکم ورحمتہ اللہ وبرکاتہ 

کیا فرماتے ہیں علمائے کرام کے اگر گاؤں میں مسجد ہو اور گھر پے ہی نماز ادا کر لے تو کیا نماز ہو جایگی کیا مکمل طور پر جواب عنایت فرمائیں 

                    عبدا السلام معینی اجمیری
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
                  وعلیکم السلام ورحمۃ اللہ وبرکاتہ 

                   الجوابـــــ بعون الملکـــــ الوھاب 

صورت مذکورہ میں نماز تو ہوجائے گی مگر بلا عذر شرعی جماعت چھوڑنے کی وجہ سے گنہگار ہوگا جیساکہ مجدد اعظم سیدی سرکار اعلی حضرت الشاہ امام احمد رضا خان محدث بریلوی رضی عنہ ربہ القوی فتاوی رضویہ شریف میں ارشاد فرماتے ہیں کہ " پانچوں وقت کی نماز مسجد میں جماعت کے ساتھ واجب ہے ایک وقت کا بھی بلا عذر ترک گناہ ہے " اھ( ج:7/ص:195/ جماعت کا بیان / دعوت اسلامی) اور فتاوی ھندیہ میں ہے کہ و فی البدائع تجب علی الرجال العقلاء البالغین الاحرار القادرین علی الصلوٰۃ بالجماعۃ من غیر حرج " اھ( ج:1/ص:82/ الباب الخامس فی الامامۃ / الفصل الاول فی الجماعۃ / بیروت) اور اسی طرح درمختار ج:2/ص:290/291/ کتاب الصلاۃ / باب الامامۃ / دار عالم الکتب/ میں ہے اور اسی طرح غنیۃ المتملی شرح منیۃ المصلی ص:508/ فصل فی الامامۃ و فیھا مباحث / میں ہے اور حضور صدر الشریعہ بدر الطریقہ علیہ الرحمۃ والرضوان بہار شریعت میں تحریر فرماتے ہیں کہ عاقل, بالغ, حر (آزاد) قادر پر جماعت واجب ہے بلا عذر ایک بار بھی چھوڑنے والا گنہگار اور مستحق سزا ہے اور کئی بار ترک کرے تو فاسق مردود الشہادہ اور اسکو سزا دی جائے گی اگر پڑوسیوں نے سکوت کیا تو وہ بھی گنہگار ہوئے " اھ( ح:3/ص:582/ جماعت کا بیان / مجلس المدینۃ العلمیۃ دعوت اسلامی) 

                       واللہ تعالیٰ اعلم بالصواب 

کتبہ اسرار احمد نوری بریلوی خادم التدریس والافتاء مدرسہ عربیہ اہل سنت فیض العلوم کالا ڈھونگی ضلع نینی تال اتراکھنڈ
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
✔️✔️صح الجواب شہزادۂ حضور فقیہ ملت حضرت مفتی ابرار احمد امجدی برکاتی صاحب قبلہ دام ظلہ العالی مرکز تربیت افتاء اوجھا گنج ضلع بستی 1---جولائی---2020----بروز بدھ

ایک تبصرہ شائع کریں

براۓ مہربانی کمینٹ سیکشن میں بحث و مباحثہ نہ کریں، پوسٹ میں کچھ کمی نظر آۓ تو اہل علم حضرات مطلع کریں جزاک اللہ

فـہـرسـت گـــــروپ مـنـتـظـمـیـن

...
رابـطـہ کــــریـں

Whatsapp Button works on Mobile Device only