کیا قربانی کرنا عبادت ہے

                   السلام علیکم ورحمۃاللہ وبرکاتہ 

کیا فرماتے ہیں علمائے کرام ومفتیان عظام اس مسئلہ کے بارے میں کہ قربانی کرنا عبادت ہے یا نہیں جواب حوالہ کے ساتھ دیں مہربانی ہوگی 

                        سائلہ ترنم بانو الھند

عبادت ایسا کام کرنا جس سے اللہ راضی ہو اور علامہ ابن حاجب علیہ الرحمۃ عبادت کی تعریف فرماتے ہیں العبادۃ وھو فعل المکلف علی خلاف ھوی نفسہ تعظیما لربہ اپنے نفس کے خلاف اللہ کی تعظیم کے لیۓ کام کرنا (التعریفات صفحہ ١٨٧) قربانی کرنا عبادت ہے رب کا ارشاد پاک ہےفَصَلِّ لِرَبِّكَ وَ انْحَرْؕ۔تو تم اپنے رب کے لیے نماز پڑھو اور قربانی کرو سورہ کوثر آیت ۲ حضرت ام المومنین حضرت عائشہ صدیقہ رضی اللہ تعالیٰ عنہا سے مروی ہے حضور نبی کریم صلی اللہ تعالیٰ علیہ وآلہ وسلم نے ارشاد فرمایا کہ یوم النحر دسویں ذی الحجہ میں ابن آدم کا کوئی عمل خدا کے نزدیک خون بہانے یعنی قربانی کرنے سے زیادہ پیارہ نہیں اور وہ جانور قیامت کے دن اپنے سینگ اور بال اور کھروں کے ساتھ آۓ گا اور قربانی کا خون گرنے سے پہلے خدا کے نزدیک مقام قبول کو پہنچ جاتا ہے لھذا اس کو خوش دلی سے کرو (بہار شریعت جلد سوم حصہ پانزدہم صفحہ ٣٢٧) 

                 واللہ تعالیٰ ورسولہ اعلم بالصواب