8.20.2020

ماہ محرم میں نیا کپڑا پہننا کیسا ہے

السلام علیکم ورحمتہ اللہ وبرکاتہ

کیا فرماتے ہیں علمائے کرام اس مسئلہ ذیل کے بارے میں کہ محرم الحرام میں نیا کپڑا پہننا کیسا ہے برائے کرم رہنمائی فرمائیں عین نوازش ہوگی 

سائل غلام محمد بستی
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
وعلیکم السلام ورحمتہ اللہ وبرکاتہ

 الجواب بعون الملک الوہاب

محرم الحرام میں نیا کپڑا پہننا جائز ہے جبکہ خوشی ظاہر کرنے کی نیت سے نہ ہو یونہی یکم تا دس محرم الحرام تک تین رنک کے کپڑے سبز؛ لال؛ اور کالا کپڑا پہننا منع ہے چنانچہ اعلیٰ حضرت امام اہلسنت امام احمد رضا خان محدث بریلی علیہ الرحمہ فرماتے ہیں کہ محرم الحرام میں (خصوصاً یکم تا دس محرم الحرام) میں تین رنگ کے لباس نہ پہنے جائیں، سبز رنگ کا لباس نہ پہنا جائے کہ یہ تعزیہ داروں کا طریقہ ہے۔ لال رنگ کا لباس نہ پہنا جائے کہ یہ اہلبیت سے عداوت رکھنے والوں کا طریقہ ہے اور کالے کپڑے نہ پہنے جائیں کہ یہ رافضیوں کا طریقہ ہے لہٰذا مسلمانوں کو اس سے بچنا چاہئے احکام شریعت مکمل صفحہ 144 {مطبوعہ شبیر برادرز لاہور}

والله اعلم باالصواب

کتبہ محمد معصوم رضا نوریؔ عفی عنہ٢٠/ ذی الحجہ ۱۴۴۱ہجری۱۱/ اگست ۲۰۲۰عیسوی  بروز منگل

ایک تبصرہ شائع کریں

براۓ مہربانی کمینٹ سیکشن میں بحث و مباحثہ نہ کریں، پوسٹ میں کچھ کمی نظر آۓ تو اہل علم حضرات مطلع کریں جزاک اللہ

فـہـرسـت گـــــروپ مـنـتـظـمـیـن

...
رابـطـہ کــــریـں

Whatsapp Button works on Mobile Device only