موئے زیر ناف صاف کرنا کیا ہے فرض یا سنت یا مستحب یا واجب

کیا فرماتے ہیں علمائے کرام ومفتیان عظام اس مسئلہ کے بارے میں کہ موئے زیر ناف صاف کرنا کیا ہے (١) فرض (٢) واجب (٣) سنت (٤) مستحب اسکا جواب عنایت فرمائیں مہربانی ہوگی

الجواب بعون ملک الوھاب 

موئے زیر ناف کبھی سنت ہے کبھی مستحب ہے یعنی ہر ہفتے میں صاف کرنا مستحب ہے اور ہفتہ گذار کر کرے تو سنت ہے جیسا حضور صدر الشریعہ بدر الطریقہ علامہ امجد علی اعظمی علیہ الرحمہ اپنی مشہور زمانہ کتاب میں تحریر فرماتے ہیں کہ موئے زیر ناف دور کرنا سنت ہے اور لکھتے ہیں کہ ہر ہفتہ میں نہانا صاف ستھرا رکھنا اور موئے زیر ناف دور کرنا مستحب ہے اور بہتر جمعہ کا دن ہے اور چالیس دن سے زیادہ گزار دینا مکروہ و ممنوع ہے ( بہار شریعت حصہ شانزدہم ص ٥٨٤ ) 

 کتبہ محمد انیس الرحمن حنفی رضوی بہرائچ شریف یوپی الھند