کیا سر پہ کوا بیٹھنے اور لوگوں کو اس کی خبر نہ دینے سے انسان مرجاتا ہے

سوال

السلام علیکم ورحمتہ اللہ وبرکاتہ 

 علماء اکرام کی بارگاہ میں سوال ہے کہ جو دیہات میں کہتے ہیں لوگ کہ سر پے اگر کوا بیٹھ جائے تو لوگوں کو خبر کر دیں ورنہ مرجاےگا 

 اس غلط فہمی کا حضرت اصلاح فرمائیں بحوالہ جواب عنایت فرمائیں 

 المستفتی حافظ ابراہیم بنگال 

  جواب

وَعَلَيْكُم السَّلَام وَرَحْمَةُ اللهِ وَبَرَكاتُهُ

‎ الجواب بعون الملک العزیز الوہاب

   کوا انسان سے غیر مانوس پرندہ ہے جو انسانوں کے قریب نہیں آتا ہاں اگر بالاتفاق کوا کسی کے قریب آ جاۓ اور اس کے سر پر بیٹھ جاۓ تو اس کے بیٹھ جانے سے اس {جس پربیٹھے} کی موت کا حکم لگانا کہ اب وہ مر جاۓ گا یہ محض جہالت ہے کہ موت و حیات یہ کوے کہ کسی کے سر پر بیٹھنے سے مشروط نہیں بلکہ جب جس کا وقت پورا ہو جاتا ہے جو رب کی جانب سے مقرر ہے اسے موت آ جاتی ہے اور موت و حیات اللہ رب العزت کے اختیار میں ہے 

 کما قال اللہ تعالی 

  واللہ یحی و یمیت واللہ بما تعملون بصیر 

اور اللہ جلاتا اور مارتا ہے اور اللہ تمہارے کام دیکھ رہا ہے

   {کنزالایمان سورہ آل عمران آیت ١٥٦ }

 اسی آیت کے تحت حضرت علامہ مفتی سید نعیم الدین مراد آبادی رحمہ اللہ تعالی علیہ فرماتے ہیں موت و حیات اسی کے اختیار میں وہ چاہے تو مسافر و غازی کو سلامت لائے اور محفوظ گھر میں بیٹھے ہوئے کو موت دے 

 {خزائن العرفان}

 لہذا موت کو کسی پرندے کے سر پر بیٹھنے سے مشروط کرنا یہ بے جا وجہالت اور محتاج دلیل ہے 

  واللہ ورسولہ اعلم بالصواب

  کتبہ

محمد ساجد چشتی

شاہجہاں پوری خادم مدرسہ دارارقم محمدیہ میر گنج بریلی شریف