"معلوم کر رہے تھے فرشتوں سے جبرئیل" اس شعر کا کیا حکم ہے

سوال

السلام علیکم ورحمة اللہ وبرکاتہ 

کیا فرماتے ہیں علما ءکرام اس شعر کے بارے میں کہ

  معلوم کر رہے تھے فر شتوں سے جبرئیل 

 کس کی زباں پہ نعت نبی تھی ابھی ابھی

 سائل تنویر حسین کٹیہاری

   جواب

وَعَلَيْكُم السَّلَام وَرَحْمَةُ اَللهِ وَبَرَكاتُهُ‎ 

 الجواب بعون الملک العزیز الوہاب

   اللہ رب العزت کی ذات قدسیہ و انبیاء و ملاٸکہ کی طرف کسی بات کو منسوب کرنے کے لئے دلیل شرعی نقلی مطلوب اورشعر مذکور میں یہ چیز مفتود نیز ابھی ابھی جبریل کا فرشتوں سے پوچھنا محتاج دلیل

 ہاں بعض احادیث سے یہ بات ثابت ہوتی ہے کہ جہاں صالحین کا ذکر ہوتا ہے وہاں رحمتوں کا نزول ہوتا ہے یہ بات بھی ثابت ہے کہ ذکر خیر کی مجالس میں فرشتوں کا گروہ آتا ہے اور ذکر خیر سنتا ہے اور رب کی بارگاہ میں حاضر ہوتا ہے لیکن خصوصا جبریل کی طرف اس بات کی نسبت کرنا کہ آپ فرشتوں سے پوچھ رہے تھے کہ نعت نبی ابھی ابھی کون پڑھ رہا تھا یہ قول منسوب الی جبریل بغیر دلیل ہے جس کا پتہ شاعر صاحب کو کیسے چلا ؟

 لہذا شاعر اس پر دلیل پیش کرے یا اپنے قول سے رجوع کرے ، دلیل پیش کر دے تو ٹھیک ورنہ اس قول سے رجوع کرے اور توبہ و استغفار کرے

 لہذا ایسے اشعار جو فساد معنی و نِسَبِِ غیر ثابتہ پر مشتمل ہوں ان کے پڑھنے و سننے سے بچنا ضروری ہے 

 ھذا ما ظھر لی و العلم بالحق عند اللہ تعالی

     واللہ ورسولہ اعلم بالصواب

  کتبہ