امام رکوع کی تکبیر بھول جائے تو کیا حکم ہے

       جواب

نماز ہوجائے گی سجدہ سہو کی ضرورت نہیں اس لئے کہ تبکیرات انتقالات واجب میں سے نہیں ہے واجب کے ترک سے سجدہ سہو واجب ہوتا ہے اور یہاں واجب نہیں سنت ہے سنت کے ترک سے سجدہ کی ضرورت نہیں مگر اعادہ مستحب ہے سہواً ترک کیا ہو یا قصداً جیساکہ حضور فقیہ اعظم ہند سرکار صدرالشریعہ مفتی محمد امجد علی اعظمی رضوی فرماتے ہیں "فرض ترک ہوجانے سے نماز جاتی رہتی ہے سجدہ سہو سے اس کی تلافی نہیں ہوسکتی لہذا پھر پڑھے اور سنن و مستحبات مثلاً تعوذ تسمیہ ثنا آمین تکبیرات انتقالات تسبیحات کے ترک سے بھی سجدہ سہو کی ضرورت نہیں بلکہ نماز ہوگئ "اھ مگر اعادہ مستحب ہے سہواً ترک کیا ہو یا قصداً واللہ ورسولہ اعلم بالصواب