سوال
کیا فرماتے ہیں علمائے کرام اس مسئلے کے بارے میں کہ ایک شخص برہنہ ہوکر غسل کر تا ہے تو کیا اس کا غسل ہو جائے گا
اور اس سے نماز پڑھ سکتا ہے کہ نہیں
برائے مہربانی رہنمائی فرمائیں حضرت
ساںٔل محمد سلطان احمد کرلا ممبئی
جواب
برہنہ ہوکر غسل کرنے سے غسل ہو جائے گا مگر غسل کرنے میں موضع احتیاط یعنی بند جگہ غسل خانہ وغیرہ میں نہائے کہ بین الناس ستر کھولنا حرام ہے جس کی وجہ سے گناہ گار بھی ہوگا
جیسا کہ صدر الشریعہ بدر الطریقہ علامہ امجد علی رحمۃ اللہ تعالی علیہ فرماتے ہیں
ایسی جگہ نہائے کہ کوئی نہ دیکھے اور اگر یہ نہ ہو سکے تو ناف سے گھٹنے تک کے اعضاء کا ستر تو ضروری ہے اگر اتنا بھی ممکن نہ ہو تو تیمم کرے مگر یہ احتمال بہت بعید ہے
مزید فرماتے ہیں
اگر غسل خانہ کی چھت نہ ہو یا ننگے بدن نہائے بشرطیکہ موضع احتیاط ہو تو کوئی حرج نہیں
بہار شریعت جلد اول حصہ دوم صفحہ نمبر تین ۳۱۹/۲۰
لہذا غسل برہنہ ہوکر ہو جائے گا اور جب غسل ہو گیا تو نماز بھی اس غسل سے پڑھنا جائز و درست ہے نماز ہو جائے گی لیکن بہتر یہی ہے کہ غسل خانہ وغیرہ میں بھی مذکورہ ستر کر کے نہائے
واللہ ورسولہ اعلم بالصواب
ابو عبداللہ محمد ساجد چشتی شاہجہاں پوری
خادم مدرسہ دارارقم محمدیہ میر گنج بریلی شریف