جو داڑھی کٹوائے اسکو ممبر رسول پر نعت پڑھنا کیسا

سوال

  کیا فرماتے ہیں علماۓ کرام کہ اجکل اکثر شعرا ٕ غلط راہ روی کا شکار ہیں داڑھی کٹانا یا ایک مشت سے کم کرنا ان کا عام فیشن بن چکا ہے لہذا دریافت طلب امر یہ ہے کہ ایک مشت سے کم داڑھی رکھنے والا تارک نماز امرد پسند اغلام باز بر سر ممبر نعت پاک پڑھ سکتا ہے کہ نہیں شرعا اسکے لۓ شریعت کا کیا حکم ہے عین شریعت کے مطابق بغیر کسی کے خطرہ اور خوف الم کے اصل مسٸلہ سے آگاہ فرماکر احقاق حق کریں تاکہ کل مولی تعالی کے سامنے حق گو کی بنا پر اجر جزیل مل سکے ورنہ برعکس کرنے پر ضرور عدالت الہی میں پوچھ تاچھ ہوگی امید ہے شریعت کو ہی کو فوقیت دیکر مدلل جواب عنایت فراٸیں گے المستفتی شیر علی ثمروی الور راجستھان

       جواب

ان افعال قبیحہ کا مرتکب سخت ترین کباٸر کا مرتکب ہے اور ان افعال کا ارتکاب کرنے والا فاسق و فاجر بلکہ نہایت سخت ترین فاسق و فاجر مستحق عذاب نار غضب قہر قہار میں گرفتار ہے ایسے شخص کو ممبر مصطفی صلی اللہ تعالی علیہ و الہ وسلم پر بٹھانا اور اسے مجلس یا جلسہ یا کانفرنس وغيرہ میں بلاکر نعت پڑھوانا حرام ہے چنانچہ امام اہلسنت امام احمد رضا بریلوی علیہ الرحمہ سے سوال ہوا کہ سوال: مخالفِ شرع مثلاََ ڈاڑھی کترواتا یا منڈواتا ہو، تارکِ صلوۃ ہو اس سے میلاد (نعت ) پڑھوانا کیسا ہے؟ آپ جوابا تحریر فرماتے ہیں ’’افعال مذکورہ سخت کبائر ہیں اور ان کا مرتکب اشد فاسق و فاجر مستحق عذاب یزداں و غضب رحمن اور دنیا میں مستوجب ہزاراں ذلت و ہوان، خوش آوازی خواہ کسی علتِ نفسانی کے باعث اسے منبرو مسند پر کہ حقیقتہََ مسندِ حضور پُر نور سید عالم صلی اللہ تعالی علیہ و الہ وسلم ہے تعظیماََ بٹھانا اس سے مجلس مبارک پڑھو انا حرام ہے تبیین الحقاٸق و فتح المعین و طحطاوی علی مراقی الفلاح وغيرہا میں ہے فی تقدیم الفاسق تعظیمہ وقد وجب علیہم اھانتہ شرعا فاسق کو آگے کرنے میں اسکی تعظیم ہے حالانکہ بوجہ فسق لوگوں پر شرعاََ اسکی توہین کرنا واجب اور ضرور ی ہے

( الفتاوی الرضویہ المجلد الثالث والعشرون الصفحة 734 مطبوعہ رضا فاٶنڈیشن لاھور )

واللہ ورسولہ اعلم بالصواب 

کتبـــــــــــــــــــــــــــہ احوج الناس الی شفاعة سید الانس والجان مُحَمَّد قاسم القادری نعیمی اشرفی چشتی غفرلہ اللہ القوی

خادم غوثیہ دار الافتا صدیقی مارکیٹ کاشی پور اتراکھنڈ مٶرخہ 18 ماہ محرم الحرام 1443 ھ