بیاز سے لی ہوئی زمین پر مسجد تعمیر کرسکتے ہیں یا نہیں ؟

       جواب

سود و بیاز کی رقم سے مسجد تعمیر کرانا ناجائز ہے اگر تعمیر کرادیا تو وہ شرعاً مسجد ہے اور اس میں نماز پڑھنا بھی جائز ہے اور اسی طرح میں ہے سود و بیاز کی رقم کو مسجد و مدرسہ میں لگانے کی ایک صورت ہے کہ اس رقم کو فقیر پر تصدق کر دے اور وہ رقم مسجد و مدرسہ میں لگا سکتا ہے اور سرکار اعلی حضرت رضی اللہ تعالیٰ عنہ تحریر فرماتے ہیں کہ حرام روپیہ کسی کام میں لگانا جائز نہیں نیک کام ہو یا اور سوا اس کے کہ جس سے لیا ہے اسے واپس کردے یا فقیروں پر تصدق کر دے بغیر اس کے کوئی حیلہ اس کے پاک کرنے کا نہیں،اسے خیرات کر کے جیسا پاک مال پر ثواب ملتا ہے اس کی امید رکھے تو سخت حرام بلکہ فقہاء نے کفر لکھا ہے ہاں جو شرع نے حکم دیا ہے کہ حقدار نہ ملے تو فقیروں پر تصدق کر دے اس حکم کو مانا تو اس پر ثواب کی امید کر سکتا ہے ،مسجد مدرسہ وغیرہ میں بعینہ روپیہ نہیں لگایا جاتا بلکہ اس سے اشیاء خریدتے ہیں خریداری میں اگر یہ نہ ہوا ہو کہ حرام دکھا کر کہا کہ اس کے بدلے فلاں چیز دے اس نے دی اس نے قیمت میں زر حرام دیا تو جو چیز خریدیں وہ خبیث نہیں ہوتی صورت مسئولہ میں مسجد تعمیر کرنا جائز نہیں جب کہ زمین خریدتے وقت اس یعنی حرام روپیہ کا ذکر کیا ہو اور اگر زمین خریدتے کچھ نہ ہو تو اس زمین پر مسجد تعمیر کرنا جائز ہے واللہ ورسولہ اعلم بالصواب