عورتوں کو تالاب یا نہر کے کنارے حضرت خضر علیہ السلام کے نام سے فاتحہ خوانی کرانا کیسا

       جواب

الجواب 👇 الجواب بعون الملک الوھاب اللھم ہدایت الحق بالصواب پہلی بات تو آپ یہ ذہین نشی کر لیجئے کہ حضرت خضر علیہ السلام کا فاتحہ جب چاہے دلا سکتے ہیں اس میں دن یا مہینے قید نہیں اور ہاں بہتر اور انسب طریقہ یہ ہے کہ گھر پر ہی اپنی حیثیت کے مطابق اچھا کھانا پکائیں اور پھر اس میں فاتحہ خوانی کرائیں فقط جیسا کہ اسی طرح کے ایک سوال کے جواب میں فتاویٰ فقیہ ملت میں ہے کہ حضرت خضر علیہ السلام کے نام سے فاتحہ دلانا جائز و درست ہے مگر اسکے لئے عورتوں کا تالاب وغیرہ پر جانا کشتی چھوڑنا یہ سب جہالت اور تشبیہ ہنود ہے اس سے بچنا لازم ہے اور انکی فاتحہ کے لئے تالاب یا ندی کے کنارے نہ جائے بلکہ گھر میں ہی دلائیں کہ گھر میں اللہ و رسول کا ذکر ہونا باعث نعمت و رحمت ہے اسکے لئے دن یا مہینہ کی کوئی تحقیق نہیں آدمی جب چاہے انکی فاتحہ دلا سکتا ہے ((بحوالہ فتاوی فقیہ ملت جلد 01 صفحہ نمبر 292)) نوٹ لہذا اپنی عورتوں کو تالاب یا ندی کے کنارے یہ سب نہ کرنے دیں کیونکہ یہ سب جہالت ہے اور جو ایسا کرتی ہیں انھیں چاہیئے کہ سچے دل سے توبہ کرے اور آئندہ سے ایسا نہ کرنے کا عہد لیں فقط والسلام واللہ ورسولہ اعلم بالصواب