والدین کو اونچی آواز میں نماز کے لئے بولنا کیسا

ارشاد باری تعالیٰ ہے وَ بِالْوَالِدَیْنِ اِحْسَانًاؕ (15/23) لہذا ماں باپ سے اس طرح کلام کرے جیسے غلام و خادم آقا سے کرتا ہے۔ جیسا کہ مذکورہ بالا آیت سے عیاں ہے والدین کے ساتھ حسنِ سلوک کرنے اور ان کے حقوق کی رعایت کرنے کی جیسی عظیم تعلیم اسلام نے اپنے ماننے والوں کو دی ہے ویسی پوری دنیا میں پائے جانے والے دیگر مذاہب میں نظر نہیں آتی۔ لہذا نماز ہو یا کوئی بھی نیکی کی دعوت اچھے سے اچھے انداز میں دینے کی کوشش کرے۔ تاکہ سامنے والے کو برا بھی نہ لگے اور کام بھی ہو جائے۔ کیونکہ سختی کرکے ہم کسی سے زبردستی نماز نہیں پڑھوا سکتے جب کہ وہ خود نہ پڑھنا چاہے تو ، اس لیے نرمی سے نماز کی اہمیت و افادیت لوگوں کو بتا کر نماز کی طرف راغب کرنا چاہیے واللہ ورسولہ اعلم بالصواب