نکاح میں کتنی شرطیں ہیں اور کیا کیا ہیں

اور بہار شریعت میں ہے نکاح کے لیے چند شرطیں ہیں : (۱) عاقل ہونا ۔ مجنوں یا ناسمجھ بچہ نے نکاح کیا تو منعقد ہی نہ ہوا ۔ (۲) بلوغ ۔ نابالغ اگر سمجھ وال ہے تو منعقد ہو جائے گا مگر ولی کی اجازت پر موقوف رہے گا ۔ (۳) گواہ ہونا ۔ یعنی ایجاب و قبول دو مرد یا ایک مرد اور دو عورتوں کے سامنے ہوں ۔ گواہ آزاد ، عاقل ، بالغ ہوں اور سب نے ایک ساتھ نکاح کے الفاظ سُنے ۔ بچوں اور پاگلوں کی گواہی سے نکاح نہیں ہو سکتا ، نہ غلام کی گواہی سے اگرچہ مدبّر یا مکاتب ہو ( بہار شریعت حصہ ہفتم صفحہ ۱۲ نکاح کے شرائط) لہذا مذکورہ بالا شرائط میں سے ایک شرط بھی مفقود ہونے کی صورت میں نکاح نہیں ہوگا واللہ ورسولہ اعلم بالصواب