فرض نمازوں میں آسمان کی جانب منھ کر کے دعا کرنا کیسا ہے

                اَلسَلامُ عَلَيْكُم وَرَحْمَةُ اَللهِ وَبَرَكاتُهُ‎

کیا فرماتے ہیں علماٸے کرام و مفتیان کرام اس مسٸلہ ذیل کے بارٸے میں کہ فرض نماز کے بعد آسمان کی طرف منھ کرکے دعا کرنا کیسا ہے جواب عنایت فرماکر شکریہ کا موقع عنایت کریں

ساٸل۔محمد قمرالدین قادری بمقام گیناپور ضلع بہراٸچ شریف یوپی

ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

         وعلیکم السلام ورحمۃ اللہ وبرکاتہ 

               الجواب بعون الملک الوہاب 

فرض نماز کے بعد کی دعاء ہو یا کسی اور وقت کی بہر حال بوقت دعاء آسمان کی طرف مونھ کرنا آداب دعاء کے خلاف ہے جیساکہ حصن حصین کے آداب دعاء ہے کہدعاء مانگتے وقت آسمان کی طرف نگاہ نہ اٹھانا اھ( حصن حصین ص:27/ ضیاء القرآن پبلیکیشنز لاہور کراچی پاکستان )اور رئیس المتکلمین حضرت علامہ مولانا نقی علی خان علیہ رحمۃ الرحمان آداب دعاء بیان کرتے ہوئے ارشاد فرماتے ہیں کہ "بوقت دعاء نگاہ نیچی رکھے ورنہ معاذ اللہ زوال بصر کا خوف ہے یعنی نظر کمزور ہوجانے کا اندیشہ ہے " اھ( فضائل دعاء ص:67/ فصل دوم / مکتبۃ المدینہ دعوت اسلامی)  

                  واللہ تعالیٰ اعلم باالصواب 

کتبہ اسرار احمد نوری بریلوی خادم التدریس والافتاء مدرسہ عربیہ اہل سنت فیض العلوم کالا ڈھونگی ضلع نینی تال اتراکھنڈ (28---اپریل ---2020---بروز منگل