بغیر کسی عزر کے قعدہ میں انگلیاں بچھانا کیسا ہے

              السلام علیکم و رحمۃ اللہ وبرکاتہ 

سوال : اگر کوئی شخص قعدہ میں بغیر کوئی عذر کے دونوں پیروں کی انگلیوں کو بچھا کر بیٹھ جائے تو اسکے لئے کیا حکم ہے -جواب عنایت فرماکر شکریہ کا موقع دیں 

                سائل : فرمان عالم بہار 

ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

           وعلیکم السلام ورحمۃ اللہ وبرکاتہ 

              الجواب بعون الملک الوہاب 

قعدہ میں دونوں پاؤں کی انگلیوں کو بچھا کر بیٹھنا خلاف سنت ہے البتہ نماز ہوجائے گی مگر بلا عذر مکروہ تنزیہی اور اگر عذر ہو تو کراہت بھی نہیں جیساکہ حضور صدر الشریعہ بدر الطریقہ علیہ الرحمۃ والرضوان بہار شریعت میں سنن نماز شمار کراتے ہوئے ارشاد فرماتے ہیں کہ دوسری رکعت کے سجدوں سے فارغ ہونے کے بعد بایاں پاؤں بچھا کر دونوں سرین اس پر رکھکر بیٹھنا اور داہنا قدم کھڑا رکھنا اور داہنے پاؤں کی انگلیاں قبلہ رخ کرنا یہ مرد کے لئے ہے اور عورت دونوں پاؤں داہنی جانب نکال دے اور بائیں سرین پر بیٹھے اور داہنا ہاتھ داہنی ران پر رکھنا اور بایاں بائیں پر " اھ( ح:3/ص:530/ نماز پڑھنے کا طریقہ / سنن نماز / مجلس المدینۃ العلمیۃ دعوت اسلامی) 

                   واللہ تعالیٰ اعلم باالصواب 

کتبہ اسرار احمد نوری بریلوی خادم التدریس والافتاء مدرسہ عربیہ اہل سنت فیض العلوم کالا ڈھونگی ضلع نینی تال اتراکھنڈ