کیا فاسق معلن امامت کر سکتا ہے یا نہیں ؟؟؟

               السلام علیکم و رحمۃ اللہ وبرکاتہ

 کیا فرماتے ہیں علمائے کرام ومفتیان عظام اس مسئلہ کے بارے میں کہ کیا فاسق معلن امامت کر سکتا ہے برائے مہربانی مکمل طور پر جواب عنایت فرمائیں عین نوازش ہوگی 

    سائل عبد النبی رضوی سنت کبیر نگر یو پی

ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

        وعلیکم السلام.ورحمتہ اللہ وبرکاتہ

         الجـــــــواب بعون الملکـــــ الوھاب 

فاسق معلن کے پیچھے نماز مکروہ تحریمی ہوتی ھے یعنی ایسی نماز کا دوبارہ پڑھنا واجب ہوتاھے (فتاوی فیض الرسول جلد اول ص ۳۰۷ باب الامامة)حضرت علامہ حلبی رحمتہ اللہ علیہ تحریر فرماتے ہیں(لوقدمو فاسقا یاثمون بناء علی ان کراھة تقدیمه کراھةتحریمه بعد اعتنائه بامور دینه وتساھله فی الاتیان بلوازمه فلا یبعد منه الاخلال ببعض شروط الصلوة وفعل ماینا فیھا بل ھوالغالب با لنظر الی فسقه(غنیہ ۴۷۹)اور اعلی حضرت امام احمد رضا خاں بریلوی علیہ الرحمتہ والرضوان تحریر فرماتے ہیں کہ اگر فاسق معلن ہے کہ اعلانیہ کبیرہ کا ارتکاب یا صغیرہ پر اصرار کرتاہے تو اسے امام بنانا گناہ ہے اور اس کے پیچھے نماز مکروہ تحریمی کہ پڑھنا گناہ اور پڑھ لی ہو تو پھیر نی واجب(فتاوی رضویہ جلد سوم ص۲۵۳) فتاوی فیض الرسول جلد اول ص ۳۳۲ باب الامةزید اگر واقعی فاسق معلن ہے تو اس کے پیچھے نماز پڑھنا مکروہ تحریمی ناجائز گناہ ہے اور اعادہ واجب (فتاوی رضویہ جلد سوم ص ۱۸۷ میں غنیہ شرح منیہ سے ہے"لوقدمو فاسقا یاثمون اھ)"اور تبین الحقائق میں ہے لان فی تقدیمه تعظیمه وقد وجب علیھم امانته شرعااھ"(بحوالہ فتاوی فیض الرسول جلد اول ص ۳۱۱ باب الامامة)

                وھو تعالی اعلم باالصواب 

کتبـــــــــــــــــــہ محمــــد نوشاد عالم کٹیہـــار بہار الھنــد(۱)رمضان المبارک ۱۴۴۱ ھجری بروز سنچر