رمضان میں وتر کی نماز میں دعائے قنوت پڑھنا ہے یا نہیں

           السلام علیکم ورحمتہ اللہ وبرکاتہ 

علماء کرام کے بارگاہ ایک سوال ہے کہ رمضان میں تراویح کے بعد جو وترنمازہوتی ہے اس میں مقتدی دعاۓقنوت پڑھے یہ نہیں حوالے کے ساتھ جواب عنایت فرمائیں مہربانی ہوگی حضرت 

کمال اختر رضوی لوٹناڑا فخر پور بہرائچ شریف یو پی

ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

        وَعَلَيْكُم السَّلَام وَرَحْمَةُ اَللهِ وَبَرَكاتُهُ‎

             الجواب بعون الملک الوہاب 

صورت مسٶلہ میں مقتدی کو دعائے قنوت پڑھنا واجب ہے چاہے وہ جماعت سے پڑھے یا تنہا پڑھےجیسا کہ حضور صدر الشریعہ رحمتہ اللہ تعالی علیہ فرماتے ہیں کہ وتر میں دعائے قنوت کا پڑھنا واجب ہے اورآہستہ پڑھےاب وہ چاہے امام ہو یا منفرد ہو یا مقتدی ہو ادا ہو یا قضاء رمضان میں ہویااور دونوں میںاور آگے تحریر فرماتے ہیں کہ قنوت وتر میں مقتدی امام کی متابعت(یعنی امام کےساتھ قنوت پڑھے) کرے اگر مقتدی قنوت سے فارغ نہ ہوا تھا کہ امام رکوع میں چلا گیا تو مقتدی امام کا ساتھ دے(یعنی مقتدی بھی امام کےساتھ رکوع میں چلاجاۓ) اور اگر امام نے قنوت نہ پڑھی اور رکوع میں چلاگیا اور مقتدی نے ابھی کچھ نہ پڑھا تو مقتدی کو اگررکوع فوت ہونے کا اندیشہ ہو جب تو رکوع کرے ورنہ قنوت پڑھ کررکوع میں جاۓ(البتہ امام بھول کر کے بغیر دعائے قنوت پڑھے رکوع میں چلا گیا تو سجدہ سہولازم ہوگا) بہار شریعت حصہ چہارم صفحہ (وترکابیان)ناشرمکتبةالمدینةدھلی

                واللہ تعالی اعلم بالصواب 

عبیداللہ بریلوی خادم تدریس مدرسہ دارارقم محمدیہ میرگنج بریلی شریف یوپی